ນະຄອນດ່າໜັງ ເກັບຕົວຢ່າງວິໄຈຫາເຊື້ອໂຄວິດ -19 ຫຼາຍກວ່າ 16.000 ຕົວຢ່າງ
(VOVWORLD) -ນັບແຕ່ວັນທີ 25 ກໍລະກົດ ຫາຕອນເຊົ້າວັນທີ 3 ສິງຫາ, ນະຄອນດ່າໜັງໄດ້ດໍາເນີນເກັບຕົວຢ່າງກວດຫາເຊື້ອໂຄວິດ - 19 ຈໍານວນ 16.107 ຕົວຢ່າງ, ໃນນັ້ນ ມີ 10.101 ຕົວຢ່າງມີຜົນເປັນລົບ, 121 ຕົວຢ່າງມີຜົນເປັນບວກ.
 ນະຄອນດ່າໜັງ ເກັບຕົວຢ່າງວິໄຈຫາເຊື້ອໂຄວິດ -19 ຫຼາຍກວ່າ 16.000 ຕົວຢ່າງ |
ປັດຈຸບັນ, ດ່າໜັງມີ 5 ຫົວໜ່ວຍກວດຫາເຊື້ອໂຄວິດ - 19 ນັ້ນ ແມ່ນ ສູນຄວບຄຸມພະຍາດດ່າໜັງ, ໂຮງໝໍດາໜັງ, ໂຮງໝໍປິ່ນປົວປອດດ່າໜັງ, ໂຮງໝໍເສນາຮັກ 17 ແລະ ໂຮງໝໍ 199 ຂອງກະຊວງຕໍາຫຼວດ. ທາງນະຄອນສາມາດດໍາເນີນການກວດຫາເຊື້ອໄວຣັດໄດ້ເຖິງ 10.000 ຕົວຢ່າງຕໍ່ວັນ ແລະ ທາງນະຄອນກໍພວມສະເໜີຕໍ່ກະຊວງສາທາລະນະສຸກຊ່ວຍຍົກສູງກໍາລັງຄວາມສາມາດກວດວິໄຈໃຫ້ຂຶ້ນເຖິງ 20.000 ຕົວຢ່າງຕໍ່ວັນ. ທ່ານ ຮວິ່ງດຶກເທີ ປະທານຄະນະກໍາມະການນະຄອນດ່າໜັງ ໃຫ້ຮູ້ວ່າ:
“ຖ້າຫາກຍົກສູງກໍາລັງຄວາມສາມາດກວດວິໄຈຫາເຊື້ອໃຫ້ໄດ້ 20.000 ຕົວຢ່າງຕໍ່ມື້ວັນ ແມ່ນຈະຫຼຸດເວລາຂອງການສະກັດກັ້ນການແຜ່ລະບາດຂອງໂລກລະບາດໄດ້ຫຼາຍທີ່ສຸດ. ພວກຂ້າພະເຈົ້າສະເໜີໃຫ້ກະຊວງສາທາລະນະສຸກ ເອົາໃຈໃຈເຖິງການເພີ່ມກໍາລັງຄວາມສາມາດການກວດວິໄຈອັງຊີແຢນ ດ້ວຍວິທີ Real time – PCR ເພື່ອໃຫ້ມີໝາກຜົນຢ່າງຊັດເຈນ”.