ການນຳບັນດາວິສາຫະກິດໄດ້ຮັບນາມມະຍົດວິສາຫະກິດ ນະຄອນໂຮ່ຈີມິນດີເດັ່ນປີ 2020 (ພາບ: TTXVN)

ຈຸດໃໝ່ໃນການຄັດເລືອກປີນີ້ແມ່ນ ຍ້ອງຍໍ, ສົ່ງເສີມບັນດາວິສາຫະກິດ, ນັກທຸລະກິດ ນະຄອນ ໂຮ່ຈີມິນ ທີ່ຂະຫຍັນຂັນເຄື່ອນ, ປ່ຽນແປງໃໝ່, ປະດິດຄິດສ້າງ, ຜ່ານຜ່າສິ່ງທ້າທາຍ, ເປັນຕົ້ນແມ່ນໂລກລະບາດ Covid – 19. ສະພາໄດ້ເລືອກເຟັ້ນ, ຕີລາຄາສູງຕໍ່ປັດໄຈວິສາຫະກິດຫັນເປັນດີຈີຕອນ, ນຳໃຊ້ເຕັກໂນໂລຢີເຂົ້າໃນການຜະລິດ, ບໍລິຫານ; ພັດທະນາຜະລິດຕະພັນ, ການບໍລິການໃໝ່. ທ່ານ ຈຸຕ໊ຽນຢຸງ, ປະທານສະຫະສະມາຄົມ ວິສາຫະກິດ ນະຄອນ ໂຮ່ຈີມິນໃຫ້ຮູ້ວ່າ:

ມາດຕະການໃນການຄັດເລືອກວິສາຫະກິດ, ນັກທຸລະກິດນະຄອນໂຮ່ຈີມິນ ດີເດັ່ນປີ 2020 ມີບັນດາຈຸດໃໝ່ແມ່ນ ບັນດາວິທີການ, ການປ່ຽນແປງໃໝ່, ປະດິດຄິດສ້າງຂອງວິສາຫະກິດຜ່ານຜ່າ Covid , ບັນດາບົດບາດນຳໜ້າຂອງວິສາຫະກິດໃນການສ້າງລະບົບຮ່ວມສຳພັນໃໝ່, ການປະກອບສ່ວນຂອງວິສາຫະກິດເຂົ້າໃນການປ້ອງກັນ, ສະກັດກັ້ນໂລກລະບາດ Covid – 19 ໄດ້ເພີ່ມຄະແນນໃຫ້ເພື່ອເປັນການຢັ້ງຢືນວິສາຫະກິດດີເດັ່ນຮອບດ້ານ ແລະ ພັດທະນາແບບຍືນຍົງ.