ກອງປະຊຸມສຳມະນາວິທະຍາສາດ “ ນະຄອນໂຮ່ຈີມິນ - 40 ປີແຫ່ງການສ້າງສາ, ພັດທະນາ ແລະ ເຊື່ອມໂຍງເຂົ້າກັບສາກົນ "
(ພາບ: baomoi)
|
(vovworld)- ຕອນເຊົ້າວັນທີ 17/3, ຢູ່ນະຄອນໂຮ່ຈີມິນ, ໄດ້ດຳເນີນກອງປະຊຸມສຳມະນາວິທະຍາສາດ “ ນະຄອນໂຮ່ຈີມິນ - 40 ປີແຫ່ງການສ້າງສາ, ພັດທະນາ ແລະ ເຊື່ອມໂຍງເຂົ້າກັບສາກົນ ” , ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຫວຽດນາມ, ທ້ອນໂຮມປະເທດຊາດເປັນເອກະພາບ (30/4/1975 – 30/4/2015) . ມີ 125 ບົດປະກອບຄຳເຫັນໄດ້ຊີ້ແຈ້ງວ່າ ພາຍຫຼັງວັນປົດປ່ອຍມາເປັນເວລາ 40 ປີ, ນະຄອນໂຮ່ຈິມິນ ໄດ້ເປັນເຈົ້າການ, ມານະພະຍາຍາມພັດທະນາເສດຖະກິດ-ສົງຄົມ, ປະກອບສ່ວນສ້າງແນວທາງປ່ຽນແປງໃໝ່, ຜ່ານຜ່າໄລຍະວິກິດການເສດຖະກິດ, ຮັກສາສະຖຽນລະພາບດ້ານການເມືອງ, ນຳນະຄອນກ້າວຂຶ້ນຢ່າງໝັນຄົງ. ກ່າວຄຳເຫັນທີ່ກອງປະຊຸມສຳມະນາ, ທ່ານ ເລແທງຫາຍ ເລຂາຄະນະພັກນະຄອນໂຮ່ຈິມິນ ເນັ້ນໜັກວ່າ :
“ ກ່ອນອື່ນໝົດ, ຍາມໃດກໍຕ້ອງຊາບຊຶມ, ກຳແໜ້ນແຜນນະໂຍບາຍຂອງພັກ, ຍາມໃດກໍໃກ້ຊິດຕິດແທດກັບພຶດຕິກຳ, ປ່ຽນແປງໃໝ່ຈິນຕະນາການຢ່າງບໍ່ຢຸດຢັ້ງ, ທົດລອງປະຕິບັດບັນດາວິທີການໃໝ່, ຮູບແບບໃໝ່. ເບິ່ງແຍງຊີວິດການເປັນຢູ່ໃຫ້ປະຊາຊົນ. ຮັບຮູ້ຢ່າງຖືກຕ້ອງທີ່ຕັ້ງບົດບາດຂອງນະຄອນແມ່ນແຫ່ງເຕົ້າໂຮມ ແລະ ແຜ່ຂະຫຍາຍ ເພື່ອທົ່ວປະເທດ, ຍູ້ແຮງການຮ່ວມມືເສດຖະກິດກັບບັນດາແຂວງ, ນະຄອນໃນທົ່ວປະເທດ, ພັດທະນາວ່ອງໄວ ແລະ ຍືນຍົງ ”.