ນະໂຍບາຍສະເໝີຕົ້ນສະເຫມີປາຍຂອງພັກ,ລັດຫວຽດນາມນັ້ນແມ່ນທັງໝົດເພື່ອມະນຸດ
(vovworld)- ຕອນເຊົ້າວັນທີ 9/12 ຢູ່ ຮ່າໂນ້ຍ, ສະຖາບັນການເມືອງແຫ່ງຊາດ ໂຮ່ຈິມີນ ໄດ້ຈັດຕັ້ງກອງປະຊຸມສຳມະນາຜົນງານສິດທິມະນຸດຫວຽດນາມ ໃນ 70 ປີຜ່ານມາ. ທີ່ກອງປະຊຸມສຳມະນາ, ບັນດາຜູ້ແທນໄດ້ຢືນຢັນວ່າ: ນະໂຍບາຍສະເຫມີຕົ້ນສະເຫມີປາຍຂອງພັກ, ລັດຫວຽດນາມ ທັງໝົດເພື່ອມະນຸດ. ລັດຖະທຳມະນູນປີ 2013 ຂອງຫວຽດນາມ ມີ 36 ມາດຕາ ກຳນົດກ່ຽວກັບສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງ. ເປັນຫນ້າສົນໃຈ ເປັນຄັ້ງທຳອິດໃນປະຫວັດສາດແຫ່ງການສ້າງລັດຖະທຳມະນູນ ຫວຽດນາມ ໄດ້ກຳນົດວ່າ “ລັດ ຮັບປະກັນ ແລະ ເສີມຂະຫຍາຍສິດເປັນເຈົ້າຂອງປະຊາຊົນ, ຮັບຮູ້, ເຄົາລົບການປົກປ້ອງ ແລະ ຮັບປະກັນສິດທິມະນຸດ, ສິດພົນລະເມືອງ, ປະຕິບັດຈຸດໝາຍ ປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ສີວິໄລ, ທຸກຄົນມີຊີວິດອີ່ມໜຳສຳລານພູນສຸກ, ມີຄວາມເສລີພາບ, ມີເງື່ອນໄຂພັດທະນາຮອບດ້ານ.