(ທ່ານນາຍົກລັດຖະມົນຕີຫງວຽນຊວນຟຸກພົບປະກັບປະຊາຄົມຊາວຫວຽດນາມອາໄສຢູ່ໄທ)

ແລະກໍ່ໃນວັນທີ 23 ມິຖຸນາ, ເນື່ອງໃນໂອກາດເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 34, ຢູ່ບາງກອກ, ປະເທດໄທ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ພ້ອມກັບພັນລະຍາ ໄດ້ໄປຢ້ຽມຢາມ ແລະ ໂອ້ລົມກັບພະນັກງານ, ພາລະກອນສະຖານທູດຫວຽດນາມ, ປະຊາຄົມຊາວຫວຽດນາມ ອາຢູ່ໄທ.

        ຢູ່ທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະໜາວ່າ, ພໍ່ແມ່ປະຊາຊົນຊາວຫວຽດນາມ ອາໄສຢູ່ໄທ ຈະສືບຕໍ່ຮັກສາສີສັນວັດທະນະທຳຫວຽດນາມ, ພ້ອມກັນນັ້ນ, ກໍ່ສ້າງເງື່ອນໄຂໃຫ້ໄວໜຸ່ມໃນປະຊາຄົມຊາວຫວຽດນາມ ອາໄສຢູ່ໄທ ມີເງື່ອນໄຂຮ່ຳຮຽນ, ກາຍເປັນບັນດານັກຄົ້ນຄວ້າ, ນັກວິທະຍາສາດ, ສ້າງວົງການໄວໜຸ່ນຍຸກໃໝ່ໃນສັງຄົມພັດທະນາ.

        ທ່ານນາຍົກລັດຖະມົນຕີກໍ່ປາດຖະໜາວ່າ, ພໍ່ແມ່ພີນ້ອງຊາວຫວຽດນາມ ແຕ່ລະຄົນຈະແມ່ນຂົວເຊື່ອມຕໍ່ສຳຄັນເພື່ອຊຸກຍູ້ການພົວພັນອັນດີງາມລະຫວ່າງຫວຽດນາມ ແລະ ໄທ ໃນຫຼາຍຂົງເຂດ, ໃນນັ້ນປະກອບສ່ວນຊຸກຍູ້ການພົວພັນແລກປ່ຽນປະຊາຊົນ, ພັດທະນາການທ່ອງທ່ຽວລະຫວ່າງ 2 ປະເທດ ແລະ ປະກອບສ່ວນເຂົ້າໃນຄວາມມານະພະຍາຍາມຊຸກຍູ້ວົງເງິນການຄ້າ 2 ສົ້ນຫວຽດນາມ - ໄທ ໃຫ້ບັນລຸຄາດໝາຍ 20 ຕື້ USD ໃນປີ 2020.

        ແລະເນື່ອງໃນໂອກາດນີ້, ກ່ອນທີ່ຈະເດີນທາງກັບເມືອປະເທດ, ສິ້ນສຸດການເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 34, ຕອນບ່າຍວັນທີ 23 ມິຖຸນາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບການນຳບັນດາກຸ່ມບໍລິສັດໃຫຍ່ຂອງໄທ ລວມມີ: ໄທເບບ, ອາມະຕະ ແລະ ກຸ່ມບໍລິສັດຊີມັງໄທ.

        ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສະເໜີໃຫ້ບັນດາກຸ່ມບໍລິສັດດັ່ງກ່າວລົງທຶນເຂົ້າຫວຽດນາມ ໃນບັນດາຂົງເຂດເຕັກໂນໂລຊີສູງ ແລະ ເປັນມິດກັບສິ່ງແວດລ້ອມ; ພ້ອມທັງຢືນຢັນວ່າ, ຫວຽດນາມ ຈະສືບຕໍ່ສ້າງເງື່ອນໄຂສະດວກເພື່ອໃຫ້ບັນດາວິສາຫະກິດດັ່ງກ່າວປະສົບຜົນສຳເລັດໃນການດຳເນີນທຸລະກິດຢູ່ຫວຽດນາມ, ໂດຍສະເພາະຢູ່ບັນດາຂົງເຂດເຊິ່ງລັດຖະບານຫວຽດນາມ ພວມໃຫ້ບຸລິມະສິດສູງ. ທ່ານນາຍົກລັດຖະມົນຕີ ເນັ້ນໜັກວ່າ, ຫວຽດນາມ ຈະບໍ່ຮັບການລົງທຶນຈາກຕ່າງປະເທດບໍ່ວ່າດ້ວຍວິທີໃດໆ, ຫາກພຽງແຕ່ຊົມເຊີຍບັນດາໂຄງການທີ່ມີເຕັກໂນໂລຊີສູງ, ເປັນມິດກັບສິ່ງແວດລ້ອມ ແລະ ປະຢັດພະລັງງານເທົ່ານັ້ນ.