ທ່ານນາຍົກລັດຖະມົນຕີ ຟ້າມມິງຈີງ ແລະ ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ

     ທີ່ການພົບປະ, ທ່ານນາຍົກລັດຖະມົນຕີ ຟ້າມມິງຈີງຊົມເຊີຍລາວໃນຖານະເປັນປະທານອາຊຽນ 2024 ໄດ້ຈັດຕັ້ງບັນດາກອງປະຊຸມສຳຄັນຂອງອາຊຽນຢ່າງສຳເລັດຜົນ. ສ່ວນທ່ານ ເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ຕີລາຄາສູງການສະໜັບສະໜູນ ຢ່າງ ຕັ້ງໜ້າ ຂອງຫວຽດນາມໃຫ້ແກ່ລາວ ໃນໄລຍະເປັນປະທານອາຊຽນ 2024, ຢືນຢັນວ່າ ຜົນສຳເລັດຂອງ ສປປ ລາວ ໃນຖານະບົດບາດປະທານອາຊຽນ ກໍມີການປະກອບສ່ວນສຳຄັນ ຂອງຫວຽດນາມ. ການນຳສອງທ່ານໄດ້ເຫັນດີສືບຕໍ່ແລກປ່ຽນບົດຮຽນແລະຂໍ້ມູນຂ່າວສານເປັນປະຈຳ, ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນແລະກັນຢູ່ບັນດາເວທີປາໄສສາກົນ ແລະ ພາກພື້ນ.

ແລະ ກໍໃນວັນທີ 8 ຕຸລານີ້, ຢູ່ນະຄອນຫຼວງວຽງຈັນ, ທ່ານນາຍົກລັດຖະມົນຕີ ຟ້າມບິ່ງມິງ ໄດ້ມີການພົບປະກັບທ່ານປະທານສະພາແຫ່ງຊາດລາວ ໄຊສົມພອນ ພົມວິຫານ ເນື່ອງໃນໂອກາດເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 44 ແລະ 45. ທີ່ການພົບປະ, ການນຳສອງປະເທດຢືນຢັນວ່າ ຍາມໃດກໍຖືເປັນສຳຄັນ ແລະ ໃຫ້ບຸລິມະສິດຢ່າງສູງສຸດແກ່ສາຍພົວພັນອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ, ຖືນີ້ແມ່ນຊັບສົມບັດອັນລ້ຳຄ່າ ແລະ ເປັນປັດໄຈເປັນຕາຍຕໍ່ພາລະກິດປະຕິວັດຂອງສອງປະເທດ. ທ່ານນາຍົກລັດຖະມົນຕີຮຽກຮ້ອງໃຫ້ສະພາແຫ່ງຊາດຂອງສອງປະເທດສ້າງກອບກົດໝາຍສະດວກເພື່ອເພີ່ມທະວີການເຊື່ອມຕໍ່ຢ່າງຮອບດ້ານ

ສ່ວນທ່ານປະທານສະພາແຫ່ງຊາດລາວ ໄຊສົມພອນ ພົມວິຫານ ໄດ້ຕີລາຄາສູງໝາກຜົນການເຈລະຈາລະຫວ່າງນາຍົກລັດຖະມົນຕີສອງປະເທດ ແລະ ປາດຖະໜາຢາກຮັດແໜ້ນສາຍພົວພັນລະຫວ່າງສະພາແຫ່ງຊາດສອງປະເທດ, ໃນນັ້ນມີບັນດາການເຄື່ອນໄຫວຕິດຕາມກວດກາຮ່ວມ, ປະກອບສ່ວນປະຕິບັດບັນດາໂຄງການຈຸດສຸມຢ່າງມີປະສິດທິຜົນ ແລະ ຂໍ້ຕົກລົງຂັ້ນສູງທີ່ໄດ້ລົງນາມ.