(VOVWORLD) - ຕອນເຊົ້າວັນທີ 12 ທັນວາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ ກຳປູເຈຍ Hun Manet ໄດ້ເຂົ້າຮ່ວມເວທີປາໄສສົ່ງເສີມການລົງທຶນ ແລະ ການຄ້າ ຫວຽດນາມ - ກຳປູເຈຍ.
 ເວທີປາໄສ ສົ່ງເສີມການລົງທຶນ ແລະ ການຄ້າ ຫວຽດນາມ - ກຳປູເຈຍ (ພາບ: VOV) |
ກ່າວຄຳເຫັນທີ່ເວທີປາໄສ, ທ່ານນາຍົກລັດຖະມົນຕີ ກຳປູເຈຍ Hun Manet ໄດ້ສົ່ງເສີມ ແລະ ຮຽກຮ້ອງໃຫ້ບັນດານັກລົງທຶນ ຫວຽດນາມ ໄປລົງທຶນຢູ່ ກຳປູເຈຍ ຫຼາຍກວ່າອີກ, ພິເສດແມ່ນບັນດາຂົງເຂດກະສິກຳທີ່ໝູນໃຊ້ເຕັກໂນໂລຢີສູງ, ອຸດສາຫະກຳປຸຸງແຕ່ງອາຫານ, ເຕັກໂນໂລຢີດີຈີຕອນ, ການເງິນ, ການຜະລິດລົດໂອໂຕ… ລັດຖະບານ ກຳປູເຈຍ ຍາມໃດກໍໃຫ້ການໜູນຊ່ວຍ ແລະ ສະໜັບສະໜູນນັກທຸລະກິດ; ຍາມໃດກໍຊອກຫາວິທີແກ້ໄຂບັນດາຄວາມຫຍຸ້ງຍາກຂອງນັກລົງທຶນ.
ສ່ວນທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເນັ້ນໜັກວ່າ ຫວຽດນາມ ແລະ ກຳປູເຈຍ ຈະສ້າງເງື່ອນໄຂດີທີ່ສຸດໃຫ້ບັນດານັກລົງທຶນ, ພິເສດແມ່ນບັນດານັກລົງທຶນທີ່ສຸມໃສ່ຂົງເຂດຫັນເປັນດີຈີຕອນ, ເສດຖະກິດໝູນວຽນ, ການລົງທຶນອີງໃສ່ວິທະຍາສາດເຕັກໂນໂລຢີ, ນະວັດຕະກຳ. ທ່ານນາຍົກລັດຖະມົນຕີ ຟ້າມມິງຈິງ ຫວັງວ່າ ສອງປະເທດນັບມື້ນັບລົງທຶນຢ່າງແຮງກວ່າ ເພື່ອສ້າງຄວາມເຂັ້ມແຂງດ້ວຍຕົນເອງ; ນຳມາເຊິ່ງບົດຮຽນ, ປະສົບການໃນການຄຸ້ມຄອງ, ບໍລິຫານ, ພື້ນຖານວັດທະນະທຳທີ່ເປັນເອກະລັກ, ແຫຼ່ງຊັບພະຍາກອນມະນຸດຂອງທັງສອງປະເທດມີຄຸນນະພາບສູງໃນໄລຍະຈະມາເຖິງ.
 ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານນາຍົກລັດຖະມົນຕີ Hun Manet ເປັນສັກຂີພິຍານພິທີມອບຮັບໃບຢັ້ງຢືນການລົງທຶນ, ບັນດາບົດບັນທຶກຕົກລົງຮ່ວມມື ແລະ ບົດບັນທຶກຊ່ວຍຈຳລະຫວ່າງສອງປະເທດ (ພາບ:VOV) |
ໃນເວທີປາໄສ, ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານນາຍົກລັດຖະມົນຕີ Hun Manet ໄດ້ເປັນສັກຂີພິຍານພິທີມອບຮັບໃບຢັ້ງຢືນການລົງທຶນ, ບັນດາບົດບັນທຶກຕົກລົງຮ່ວມມື ແລະ ບົດບັນທຶກຊ່ວຍຈຳລະຫວ່າງສອງປະເທດ.
ຫວູຄວຽນ