(vovworld) - ວັນທີ 6/7, ທ່ານນາງ ນາຍົກລັດຖະມົນຕີເຢຍລະມັນ Angela Merkel ເດີນທາງໄປຢ້ຽມຢາມຈີນຢ່າງເປັນທາງການໃນລະຫວ່າງວັນທີ 6-8/7, ຕຳຄຳເຊີນຂອງນາຍົກລັດຖະມົນຕີຈີນ ຫຼີເຄີຊຽງ. ຢູ່ແຂວງ ຊີືຈວານ ທ່ານນາງ ນາຍົກລັດຖະມົນຕີ Angela Merkel ໄດ້ໄປຢ້ຽມຢາມໂຮງງານຮ່ວມທຸລະກິດຈຳນວນໜຶ່ງລະຫວ່າງສອງປະເທດ. ເຂົ້າຮ່ວມເວທີປາໄສຮ່ວມມືຫັນເປັນຕົວເມືອງແບບໃໝ່ ແລະ ເວທີປາໄສຄູ່ເຈລະຈາຈີນ - ເຢຍລະມັນປີ 2014. ຢູ່ປັກກິງ, ທ່ານນາງ ນາຍົກລັດຖະມົນຕີ Angela Merkelຈະມີການເຈລະຈາກັບທ່ານປະທານປະເທດຈີນສືຈິນຝິງ, ພົບປະເຈລະນາກັບທ່ານນາຍົກລັດຖະມົນຕີຈີນ ຫຼີເຄີຊຽນ, ທ່ານປະທານສະພາແຫ່ງຊາດຈາງຕີຈຽງ . ຕາມແຫຼ່ງຂ່າວຈາກຈີນແລ້ວ, ຈຸດປະສົງຕົ້ນຕໍຂອງການຢ້ຽມຢາມຄັ້ງນີ້ແມ່ນບັນຫາຮ່ວມມືດ້ານການຄ້າ. ຄາດວ່າໃນການຢ້ຽມຢາມຄັ້ງນີ້, ສອງຝ່າຍຈະລົງນາມໃນຂໍ້ຕົກລົງຮ່ວມມື 10 ສະບັບໃນບັນດາຂົງເຂດເສດຖະກິດ, ພະລັງງານສະອາດ, ປະຢັດພະລັງງານ ແລະ ປົກປັກຮັກສາສິ່ງແວດລ້ອມ. ນອກນັ້ນສອງຝ່າຍກໍ່ຈະປຶກສາຫາລືກ່ຽວກັບສະພາບການ ຢູແກຼນ, ການພົວພັນລະຫວ່າງຈີນກັບຍີ່ປຸ່ນ, ກໍ່ຄືສະພາບທີ່ພວມເຄັ່ງຮ້ອນໃນພາກພື້ນ ແລະ ໃນໂລກ. ການຢ້ຽມຢາມຄັ້ງນີ້ຍັງແນໃສ່ກະກຽມພື້ນຖານໃຫ້ແກ່ກອງປະຊຸມສຸດຍອດເຢຍລະມັນ - ຈີນ ເຊິ່ງຈະຈັດຂຶ້ນຢູ່ແບກແລງໃນເດືອນ 10 ປີນີ້.