ນາຍົກລັດຖະລັດຖະມົນຕີເຂົ້າຮ່ວມວັນຄົບຮອບ70ປີຂອງກຳລັງສືບລາຊະການລັບຕຳຫຼວດ
ທ່ານນາຍົກລັດຖະລັດຖະມົນຕີ ຫງວຽນເຕີ້ນຢຸງ ໄດ້ມອບຫຼຽນໄຊໂຮ່ຈິມິນຄັ້ງທີ 3 ໃຫ້ແກ່ກຳລັງສືບລາຊະການລັບຕໍາຫຼວດປະຊາຊົນ |
(vovworld)-ໃນຕອນເຊົ້າ19/2, ຄະນະພັກຕໍາຫຼວດສູນກາງ ແລະ ກະຊວງຕຳຫຼວດໄດ້ຈັດຂຶ້ນພິທີສະເຫຼີມສະຫຼອງ 70 ປີແຫ່ງວັນມູນເຊື້ອຂອງກຳລັງສືບລາຊະການລັບຕໍາຫຼວດປະຊາຊົນ (21/2 / 1946- 21/2/2016) ແລະຕ້ອນຮັບຫຼຽນໄຊໂຮ່ຈິມິນ. ໃນພິທີ, ທ່ານນາຍົກລັດຖະລັດຖະມົນຕີ ຫງວຽນເຕີ້ນຢຸງ ໄດ້ມອບຫຼຽນໄຊໂຮ່ຈິມິນຄັ້ງທີ 3 ໃຫ້ແກ່ກຳລັງສືບລາຊະການລັບຕໍາຫຼວດປະຊາຊົນ. ທ່ານນາຍົກລັດຖະລັດຖະມົນຕີ ຫງວຽນເຕີ້ນຢຸງ ຢືນຢັນວ່າ: ຜ່ານໄລຍະຕ່າງໆ, ເປັນຕົ້ນແມ່ນໄລຍະປ່ຽນແປງໃໝ່, ກຳລັງສືບລາຊະການລັບຕໍາຫຼວດປະຊາຊົນໄດ້ເປັນເຈົ້າການກຳແໜ້ນສະພາບການ, ນຳສະເໜີ ແລະ ເປັນເສນາທິການກັບການນຳພັກ, ລັດກ່ຽວກັບຫຼາຍບັນຫາທີີ່ມີລັກສະນະຍຸດທະສາດໃນບັນດາຂົງເຂດການພົວພັນພາຍໃນ ແລະ ພົວພັນຕ່າງປະເທດ. ກຳລັງສືບລາຊະການລັບຕໍາຫຼວດປະຊາຊົນໄດ້ເປັນເຈົ້າການຍູ້ແຮງການເຊື່ອມໂຍງເຂົ້າກັບສາກົນ ແລະ ເປີດກ້ວາງການພົວພັນກັບຕ່າງປະເທດ , ພ້ອມທັງຍົກສູງບົດບາດແລະທີ່ຕັ້ງ ຂອງຫວຽດນາມໃນເວທີສາກົນ.
ທ່ານນາຍົກລັດຖະລັດຖະມົນຕີ ຫງວຽນເຕີ້ນຢຸງ ຮຽກຮ້ອງໃຫ້ກຳລັງສືບລາຊະການລັບຕໍາຫຼວດ ປະຊາຊົນຈົ່ງຮ່ຳຮຽນ,ຝຶກຝົນຫຼໍ່ຫຼອມ, ຍົກສູງຄຸນນະພາບ ແລະ ປະສິດທິຜົນໃນວຽກງານຕ່າງໆ ເພື່ອເຮັດຫຼ້ອນໜ້າທີ່ປ້ອງກັນຄວາມສະຫງົບຂອງປະເທດຊາດ .