ທ່ານ ຟ້າມບິ່ງມິງ ຮອງນາຍົກລັດຖະມົນຕີ ລັດຖະມົນຕີການຕ່າງປະເທດ ຫວຽດນາມ ໄດ້ມີການເຈລະຈາກັບທ່ານນາງ Monica Juma ລັດຖະມົນຕີການຕ່າງປະເທດ ເຄັນຢາ (ພາບ: VGP)

ທີ່ການເຈລະຈາ, ສອງຝ່າຍໄດ້ເຫັນດີເປັນເອກະພາບບັນດາມາດຕະການຢ່າງລະອຽດເພື່ອແນໃສ່ນຳການພົວພັນຮ່ວມມືສອງຝ່າຍເຂົ້າສູ່ລວງເລິກ ແລະ ມີປະສິດທິຜົນ, ຂຸດຄົ້ນທ່າໄດ້ປຽບຂອງທັງສອງປະເທດໃຫ້ດີທີ່ສຸດ, ເພີ່ມທະວີການແລກປ່ຽນຄະນະຜູ້ແທນ, ເປັນຕົ້ນແມ່ນຄະນະຜູ້ແທນຂັ້ນສູງ, ບັນດາກະຊວງ, ຂະແໜງການ, ທ້ອງຖິ່ນ ແລະ ວິສາຫະກິດ. ທ່ານ ຟ້າມບິ່ງມິງ ປາດຖະໜາວ່າ ເຄັນຢາຈະສ້າງເງື່ອນໄຂສະດວກໃຫ້ແກ່ສິນຄ້າປະເພດຕ່າງໆທີ່ຫວຽດນາມມີທ່າແຮງ ແລະ ເຄັນຢາມີຄວາມຕ້ອງການ, ສະເໜີໃຫ້ສອງຝ່າຍຕັ້ງໜ້າໜູນຊ່ວຍບັນດາວິສາຫະກິດຈັດຕັ້ງບັນດາການເຄື່ອນໄຫວສຳຫຼວດການຕະຫຼາດ, ສົ່ງເສີມບັນດາກາລະໂອກາດການລົງທຶນ.

        ສອງຝ່າຍໄດ້ເຫັນດີເຈລະຈາລົງນາມບັນດາເອກະສານສ້າງຂອບນິຕິກຳໃຫ້ແກ່ການຮ່ວມມືໂດຍໄວ, ມຸ່ງໄປສູ່ການສ້າງກົນໄກປະກອບຄຳຄິດເຫັນດ້ານການເມືອງລະຫ່ວາງ ສອງ ກະຊວງການຕ່າງປະເທດເພື່ອແນໃສ່ເພີ່ມທະວີການສົມທົບກັນຊຸກຍູ້ການຮ່ວມມືລະຫວ່າງສອງປະເທດ.

        ທ່ານ ຟ້າມບິ່ງມິງ ກໍ່ປາດຖະໜາວ່າ ສືບຕໍ່ໄດ້ຮັບການສະໜັບສະໜູນ ແລະ ສົມທົບກັບ ເຄັນຢາ ຢ່າງແໜ້ນແຟ້ນໃນໄລຍະ ຫວຽດນາມຮັບບົດບາດເປັນກຳມະການບໍ່ປະຈຳການສະພາຄວາມໝັ້ນຄົງ ສປຊ  ກໍ່ຄື ເມື່ອ ຫວຽດນາມດຳເນີນການສ້າງການພົວພັນກັບ ສະຫະພາບ ອາຟຼິກາ (AU) ຢ່າງເປັນທາງການ.

        ກ່ຽວກັບບັນດາທະເລຕາເວັນອອກ, ສອງຝ່າຍໄດ້ເນັ້ນໜັກເຖິງຄວາມສຳຄັນຂອງ ສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ ແລະ ຄວາມເສລີການເດີນເຮືອ ແລະ ຖືເປັນສຳຄັນ ການປະຕິບັດຕາມກົດໝາຍສາກົນ.