ບັນດາຄະນະ,ສະມາຄົມຢູ່ຝະລັ່ງອອກຖະແຫຼງການຮ່ວມກ່ຽວກັບຄຳຕັດສິນຂອງສານອະນຸຍາໂຕຕຸລາການ
ສານອະນຸຍາໂຕຕຸລາການ (ພາບ: PCA)
(vovworld) – 35 ຄະນະ, ສະມາຄົມຢູ່ ຝະລັ່ງ ຫາກໍ່ສົ່ງຈົດໝາຍທີ່ຂຽນດ້ວຍນີ້ ແລະ ຈົດໝາຍທາງເອີ-ແມວປະມານ 120 ສະບັບເຖິງຄະນະກຳມະການ ເອີລົບ ແລະ ປະທານຄະນະກຳມະການເອີລົບ; ບັນດາສະມາຊິກລັດຖະສະພາສູງ ແລະ ບັນດາສະມາຊິກສະພາແຫ່ງຊາດ ຝະລັ່ງ; ສະຖານທູດບັນດາປະເທດປະຈຳ ຝະລັ່ງ…ຖະແຫຼງການຮ່ວມກ່ຽວກັບຄຳຕັດສິນຂອງສານອະນຸຍາໂຕຕຸລາການກ່ຽວກັບເຫດການ ຟີລີບປິນ ຮ້ອງຟ້ອງ ຈີນ ທີ່ກ່ຽວຂ້ອງເຖິງເລື່ອງອະທິບາຍ ແລະ ນຳໃຊ້ສົນທິສັນຍາກ່ຽວກັບກົດໝາຍວ່າດ້ວຍທະເລປີ 1982. ບັນດາຄະນະ, ສະມາຄົມຂຶ້ນກັບປະຊາຄົມຊາວ ຫວຽດນາມ ອາໄສຢູ່ ຝະລັ່ງ ແລະ ບັນດາຄະນະ, ສະມາຄົມມິດຕະພາບກັບ ຫວຽດນາມ ຄັດຄ້ານຢ່າງຮຸນແຮງຄຳຮຽກສິດອະທິປະໄຕຢ່າງຜິດກົດໝາຍສາກົນຂອງລັດຖະບານ ຈີນ ບົນທະເລຕາເວັນອອກ ແລະ ການເຄື່ອນໄຫວກໍ່ສ້າງ ແລະ ບູລະນະບັນດາຫາດດອນຫີນຂຶ້ນກັບອະທິປະໄຕຂອງ ຫວຽດນາມ ແລະ ບາງປະເທດອື່ນໃນພາກພື້ນຢ່າງຜິດກົດໝາຍ. ບັນດາຄະນະ, ສະມາຄົມນີ້ ຮຽກຮ້ອງໃຫ້ທຸກຝ່າຍທີ່ກ່ຽວຂ້ອງທັງໝົດ ແລະ ປະຊາຄົມສາກົນໃຫ້ຄຳໝັ້ນສັນຍາກະທຳເພື່ອໃຫ້ກົດໝາຍສາກົນຕ້ອງໄດ້ຮັບການປະຕິບັດ, ພິເສດແມ່ນສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 ແລະ ຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ. ບັນດາການຂັດແຍ້ງກັນບົນທະເລຕາເວັນອອກ ຕ້ອງໄດ້ຮັບການແກ້ໄຂ ດ້ວຍບັນດາມາດຕະການສັນຕິພາບ, ກກຳລັງອາວຸດ ແລະ ນາບຂູ່ນຳໃຊ້ກຳລັງອາວຸດໃດໆ.