ບັນດາປະເທດອາຊຽນອາດສາມາດໝູນໃຊ້ທ່າສະດວກຫຼາຍຢ່າງພາຍຫຼັງBrexit
ພາບປະກອບ
(vovworld) – ເຫດການ Brexit ຈະນຳມາເຊິ່ງບັນດາປະເທດ ອາຊຽນ ບາງທ່າສະດວກໃນການສ້າງເງື່ອນໄຂອຳນວຍຄວາມສະດວກເພື່ອເຊັນບັນດາຂໍ້ຕົກລົງການຄ້າເສລີ ແລະ ດຶງດູດການລົງທຶນຈາກ ອັງກິດ. ນີ້ແມ່ນການຂໍ້ສັງເກດຂອງບັນດານັກຊ່ຽວຊານທີ່ “ກອງປະຊຸມສຳມະນາ Brexit ແລະ ປະຊາຄົມເສດຖະກິດ ອາຊຽນ ພາຍໃຕ້ແງ່ມູມຂອງການເຊື່ອມໂຍງ”, ເຊິ່ງຈັດຕັ້ງຢູ່ນະຄອນ ໂຮ່ຈີມິນ, ໃນວັນທີ 3/8. ບັນດາຜູ້ແທນເຂົ້າຮ່ວມກອງປະຊຸມສຳມະນາຖືວ່າ ສຳລັບ ອີຢູ, ອາຊຽນ ມີຄວາມສາມາດບົ່ມຊ້ອນອັນໃຫຍ່ຫຼວງໃຫ້ແກ່ການພັດທະນາການຮ່ວມມືດ້ານການຄ້າ 2 ຝ່າຍ ຍ້ອນວ່າອາຊຽນທັງເປັນຕະຫຼາດ ທັງເປັນປະຕູເພື່ອໃຫ້ ອີຢູ ເຂົ້າພາກພື້ນ ອາຊີ - ປາຊີຟີກ. ກົງກັນຂ້າມ, ບັນດາປະເທດ ອາຊີຕາເວັນອອກສ່ຽງໃຕ້ເກືອບທັງໝົດລ້ວນແຕ່ຖື ອີຢູ ແມ່ນຄູ່ຮ່ວມມືຍຸດທະສາດ ແລະ ແງ່ຫວັງເພີ່ມທະວີການພົວພັນເສດຖະກິດໃນຫຼາຍຂົງເຂດ. ໃນສະພາບການເກີດເຫດການ Brexit ໄດ້ເຮັດໃຫ້ ອັງກິດ ຫລຸດຜ່ອນທີ່ຕັ້ງດ້ານເສດຖະກິດ ແລະ ການເມືອງຊົ່ວຄາວນັ້ນ, ພາໄປເຖິງປະເທດນີ້ມີຄວາມສາມາດຫັນທິດໄປສູ່ ອາຊີ ປາຊີຟິກ. ບັນດານັກຊ່ຽວຊານຄາດຄະເນວ່າ, ໄລຍະຫຼັງ Brexit, ນອກຈາກຕະຫຼາດເອີລົບ, ອັງກິດເອົາໃຈໃສ່ເປັນພິເສດເຖິງຕະຫຼາດ, ຫລຸດຜ່ອນການຂຶ້ນກັບບັນດາຕະຫຼາດປະເທດໃກ້ຄຽງ ແລະ ອາຊີ ແມ່ນຈຸດນັດພົບທີ່ຂະຫຍັນຂັນເຄື່ອນ, ມີຄວາມສາມາດບົ່ມຊ້ອນຫຼາຍຢ່າງ. ສິ່ງດັ່ງກ່າວໄດ້ສ້າງເງື່ອນໄຂສະດວກໃຫ້ປະຊາຄົມເສດຖະກິດ ອາຊຽນ (AEC) ມຸ່ງໄປເຖິງຄາດໝາຍສ້າງຕັ້ງຕະຫຼາດລວມ, ໃນນັ້ນ, ການຄ້າຈະໄດ້ເຫັນການລົງທຶນເປັນເສລີເພື່ອແນໃສ່ເພີ່ມຄວາມຄວາມສາມາດແກ້ງແຍ້ງຂອງອາຊຽນ ໃນຕະຫຼາດທົ່ວໂລກ.