(vovworld) - ວັນທີ 20/02 (ຕາມເວລາທ້ອງຖິ່ນ), ຢູ່ສຳນັກງານຂອງອົງການການຄ້າໂລກ (WTO), ຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, WTO ແລະ ບັນດາອົງການຈັດຕັ້ງສາກົນອື່ນຢູ່ເຊີແນວ, ໄດ້ຮຽກໂຮມປະຊຸມພາຍໃຕ້ການເປັນປະທານຂອງທ່ານເອກອັກຄະລັດຖະທູດຫວຽດນາມ ເຢືອງຈິ໋ຢຸງ, ຫົວໜ້າຄະນະຜູ້ຕາງໜ້າຫວຽດນາມ. ກອງປະຊຸມໄດ້ເຕົ້າໂຮມບັນດາຜູ້ຕາງໜ້າຂອງຄະນະທູຕານຸທູດຂອງ 21 ພື້ນຖານເສດຖະກິດສະມາຊິກເວທີປາໄສຮ່ວມມືເສດຖະກິດອາຊີ - ປາຊີຟິກ (APEC) ຢູ່ WTO, ເພື່ອເຜີຍແຜ່ບັນດາບຸລິມະສິດຂອງປີ APEC ຫວຽດນາມ 2017, ພ້ອມທັງປຶກສາຫາລືບັນດາລາຍການເຄື່ອນໄຫວຢູ່ຫວຽດນາມ ກໍຄືຢູ່ເຊີແນວ. ກ່າວຄຳເຫັນໄຂກອງປະຊຸມ, ທ່ານເອກອັກຄະລັດຖະທູດ ເຢືອງຈິ໋ຢຸງ ເນັ້ນໜັກວ່າ, ເລື່ອງເປັນເຈົ້າພາບຈັດຕັ້ງກອງປະຊຸມ APEC 2017 ເຊິ່ງແມ່ນໜຶ່ງໃນບັນດາບຸລິມະສິດໃນການພົວພັນຕ່າງປະເທດຂອງຫວຽດນາມ, ດ້ວຍຄວາມປາດຖະໜາຢາກຊຸກຍູ້ວິວັດທະນາການຫັນການຄ້າ ແລະ ການລົງທຶນເປັນເສລີ, ສ້າງເງື່ອນໄຂສະດວກໃຫ້ບັນດາວິສາຫະກິດ ແລະ ເພີ່ມທະວີການຮ່ວມມືໃນພາກພື້ນ, ປະກອບສ່ວນນຳພາກພື້ນອາຊີ - ປາຊີຟິກ ໃຫ້ນັບມື້ນັບພັດທະນາ, ມີຄວາມວັດທະນາຖາວອນ. ສັບປະດາຂັ້ນສູງ APEC ຄັ້ງທີ 25 ຈະຖືກຈັດຕັ້ງຂຶ້ນໃນລະຫວ່າງວັນທີ 05 – 11/11 ຢູ່ນະຄອນດ່ານັ້ງ.