(vovworld) - ເພື່ອນຳບັນຍາກາດລະດູບານໃໝ່ມາໃຫ້ບັນດາຜູ້ເປັນພະຍາດຂີ້ທູດໃນໂອກາດບຸນປີໃໝ່ປະຈຳຊາດ (ບຸນເຕັດ) ປີມະແມ. ວັນທີ 10/2, ພະແນກ ສາທາລະນະສຸກຮ່າໂນ້ຍ ໄດ້ໄປຢ້ຽມຢາມ ແລະມອບຂອງຂວັນໃຫ້ຄົນເຈັບເກືອບ 90 ຄົນທີ່ພວມປິ່ນປົວພະຍາດຢູ່ພະແນກປິ່ນປົວພະຍາດຂີ້ທູດ, ເມືອງກວົກອວາຍ. ເນື່ອງໃນໂອກາດນີ້, ຂະແໜງສາທາລະນະສຸກຈັດຕັ້ງການກວດ ແລະ ໃຫ້ຄຳປຶກສາດ້ານສຸຂະພາບ ແລະ ສະໜອງຢາໂດຍບໍ່ຕ້ອງເສຍຄ່າໃຫ້ບັນດາເປົ້າໝາຍນະໂຍບາຍ, ຄົນທຸກຍາກໃນບໍລິເວນນະຄອນກວ່າ 14.850 ຄົນ.
ຄະນະຊີ້ນຳທາງທິດຕາເວັນຕົກພາກໃຕ້ ສົມທົບກັບກະຊວງແຮງງານ, ທະຫານເສຍອົງຄະ ແລະ ສັງຄົມ ຈັດຕັ້ງລາຍການ ບຸນເຕັດເພື່ອຄົນທຸກຍາກປີ 2015 ດ້ວຍຫົວຂໍ້ວ່າ “ລະດູບານໃໝ່ແຫ່ງຄວາມຮັກ“ ໃນຕອນຄຳ່ວັນທີ 10/2, ຢູ່ແຂວງບິ່ງເຟືອກ. ເຂົ້າຮ່ວມລາຍການມີທ່ານຮອງນາຍົກລັດຖະມົນຕີ ຫວູວັນນິງ, ຫົວໜ້າຄະນະຊີ້ນຳເຂດທາງທິດຕາເວັນຕົກພາກໃຕ້ ໄດ້ຮຽກຮ້ອງບັນດາວິສາຫະກິດ, ບັນດາຜູ້ໃຈບຸນໃຈກຸສົນ, ສັງຄົມສືບຕໍ່ເສີມຂະຫຍາຍມູນເຊື້ອສາມັກຄີ, ຊ່ວຍເຫຼືອເຊິ່ງກັນ ແລະ ກັນໃນຊີວິດ.
“ຂ້າພະເຈົ້າສະເໜີໃຫ້ຄະນະຊີ້ນຳເຂດຕາເວັນຕົກພາກໃຕ້ ພ້ອມກັບບັນດາກະຊວງ, ຂະແໜງການສູນກາງ, ຄະນະພັກແຂວງ, ຄະນະພັກນະຄອນ, ຄະນະກຳມະການປະຊາຊົນແຂວງ, ນະຄອນໃນເຂດສືບຕໍ່ປະຕິບັດວຽກງານຮັບປະກັນຊີວິດສັງຄົມ, ລົບລ້າງຄວາມອຶດຫີວ, ຫຼຸດຜ່ອນຄວາມທຸກຍາກ; ເບິ່ງແຍງຊີວິດທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນ. ບັນດາທ້ອງຖີ່ນຄວນເອົາໃຈໃສ່ຢື້ຢາມຖາມຂ່າວ, ລະດົມກຳລັງໃຈ, ໜູນຊ່ວຍປະຊາຊົນທຸກຊັ້ນວັນນະຢ່າງທັນການ, ພິເສດແມ່ນບັນດາຄອບຄົວທຸກຍາກ, ຜູ້ປະສົບຄວາມຫຍຸ້ງຍາກ, ຮັບປະກັນເພື່ອໃຫ້ທຸກຄົນ, ທຸກຄອບຄົວລ້ວນແຕ່ໄດ້ຕ້ອນຮັບບຸນເຕັດດ້ວຍຄວາມອົບອຸ່ນ“.
ຕອນຄຳ່ວັນທີ 10/2, ຢູ່ມະຫາວິທະຍາໄລວິງ, ແຂວງເງ້ອານ, ໄດ້ດຳເນີນລາຍການ “ບຸນເຕັດແຫ່ງຄວາມອົບອູ່ນໃຫ້ນັກຮຽນ, ນັກສຶກສາທີ່ທຸກຍາກ - ປີມະແມ 2015“. ທີ່ພິທີມີນັກຮຽນ, ນັກສຶກສາທີ່ທຸກຍາກ 720 ກວ່າຄົນໄດ້ຮັບຂອງຂວັນບຸນເຕັດດ້ວຍຍອດມູນຄ່າ 300 ລ້ານກວ່າດົ່ງ.
ສ່ວນແຂວງດັກລັກ, ໄດ້ດຳເນີນລາຍການຮັກແພງມະນຸດດ້ວຍກັນ “ບຸນເຕັດພ້ອມກັບຄົນທຸກຍາກ“. ວັນບຸນ “ເຂົ້າຕົ້ມຂຽວ“, ມອບຂອງຂວັນ, ແຈກຢາຍຢຸກຢາໂດຍບໍ່ຕ້ອງເສຍຄ່າໃຫ້ບັນດາຄອບຄົວທີ່ທຸກຍາກຢູ່ເຂດຫ່າງໄກສອກຫຼີກ cu Ewi, ເມືອງ cu Kiun ໃນໂອກາດບຸນເຕັດປີມະແມ 2015.
ການເຄື່ອນໄຫວຢື້ຢາມຖາມຂ່າວ, ມອບຂອງຂວັນ, ບັນດາລາຍການບຸນເຕັດໃຫ້ເປົ້າໝາຍນະໂຍບາຍ, ບັນດາຄົນງານ, ນັກຮຽນ, ນັກສຶກສາທີ່ປະສົບກັບຄວາມຫຍຸ້ງຍາກເປັນພິເສດກໍ່ດຳເນີນໄປຢູ່ຫຼາຍທ້ອງຖີ່ນໃນທົ່ວປະເທດ.