ບາງປະເທດພວມຜ່ອນຜັນ, ສ້າງເງື່ອນໄຂໃຫ້ປະຊາຊົນປັບຕົວໃຫ້ແທດເໝາະກັບເງື່ອນໄຂປົກກະຕິໃໝ່ເທື່ອລະກ້າວ
(VOVWORLD) -ບາງປະເທດໃນໂລກ ພວມສືບຕໍ່ວາງ ມາດຕະການຜ່ອນຜັນ ເທື່ອລະກ້າວ ເພື່ອສ້າງເງື່ອນໄຂໃຫ້ປະຊາຊົນປັບຕົວໃຫ້ແທດເໝາະກັບເງື່ອນໄຂປົກກະຕິໃໝ່ ແລະ ຟື້ນຟູເສດຖະກິດ - ສັງຄົມ.
 ພາບປະກອບ: TTXVN |
ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 11 ໂມງຂອງວັນທີ 29 ຕຸລາ ຕາມເວລາ UTC, ໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 246 ລ້ານຄົນ, ໃນນັ້ນມີຜູ້ເສຍຊີວິດ ເກືອບ 5 ລ້ານຄົນ. ໃນ 3 ປະເທດຖືກຜົນກະທົບຢ່າງຮ້າຍແຮງທີ່ສຸດ, ອາເມລິກາ ຢັ້ງຢືນຜູ້ຕິດເຊື້ອພະຍາດໂຄວິດ - 19 ລວມທັງໝົດແມ່ນ 46,6 ລ້ານຄົນ, ອິນເດຍ ຢັ້ງຢືນຜູ້ຕິດເຊື້ອພະຍາດໂຄວິດ - 19 ລວມທັງໝົດແມ່ນກ່ວາ 34,2 ລ້ານຄົນ ແລະ ບຣາຊິນ ຢັ້ງຢືນຜູ້ຕິດເຊື້ອພະຍາດໂຄວິດ - 19 ລວມທັງໝົດແມ່ນ ກ່ວາ 21,7 ລ້ານຄົນ.
ບາງປະເທດໃນໂລກ ພວມສືບຕໍ່ວາງ ມາດຕະການຜ່ອນຜັນ ເທື່ອລະກ້າວ ເພື່ອສ້າງເງື່ອນໄຂໃຫ້ປະຊາຊົນປັບຕົວໃຫ້ແທດເໝາະກັບເງື່ອນໄຂປົກກະຕິໃໝ່ ແລະ ຟື້ນຟູເສດຖະກິດ - ສັງຄົມ. ຢູ່ພາກພື້ນອາຊີຕາເວັນອອກສ່ຽງໃຕ້, ຄືຢູ່ລາວ ໄດ້ອະນຸຍາດໃຫ້ ໂຮງງານຕັດຫຍິບ 20 ແຫ່ງຢູ່ນະຄອນຫຼວງ ວຽງຈັນ ເປີດປະຕູຄືນໃໝ່ ແຕ່ຕ້ອງຮັບປະກັນການປະຕິບັດຕາມທຸກມາດຕະການປ້ອງກັນ, ຕ້ານໂລກລະບາດໂຄວິດ - 19 ທີ່ທາງກະຊວງສາທາລະນະສຸກປະກາດໃຊ້.
ສ່ວນຢູ່ ຫວຽດນາມ, ນັບແຕ່ເວລາ 16 ໂມງຂອງວັນທີ 28 ຕຸລາ ຫາເວລາ 16 ໂມງຂອງວັນທີ 29 ຕຸລາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ໃໝ່ຕື່ມອີກ 4.899 ຄົນ, ມາຮອດປັດຈຸບັນ ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 910.376 ຄົນ, ໃນນັ້ນມີ 816.132 ຄົນ ໄດ້ຮັບການປິ່ນປົວຫາຍດີເປັນປົກກະຕິ.