(VOVWORLD) -ການປະກວດດັ່ງກ່າວເພື່ອແນໃສ່ເລືອກເອົາບັນດາບົດປະພັນສື່ມວນຊົນທີ່ດີເດັ່ນກ່ຽວກັບການຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ, ວິຖີຊີວິດປະທານ ໂຮ່ຈີມິນ.
 ທີ່ກອງປະຊຸມຖະແຫຼງຂ່າວ(ພາບ: VGP)
|
ຕອນເຊົ້າວັນທີ 19 ພຶດສະພາ, ຄະນະໂຄສະນາສຶກສາສູນກາງພັກ, ໜັງສືພິມເຍີນເຢິນ (ແປວ່າ ປະຊາຊົນ) ແລະ ວາລະສານ ກົ້ງສານ (ແປວ່າ ກອມມູນິດ) ໄດ້ສົມທົບກັນຈັດກອງປະຊຸມຖະແຫຼງຂ່າວແນະນຳການປະກວດບົດປະພັນສື່ມວນຊົນກ່ຽວກັບຫົວເລື່ອງ “ຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ, ວິຖີຊິວິດປະທານ ໂຮ່ຈີມິນ” ໄລຍະ 2022 - 2025.
ການປະກວດດັ່ງກ່າວເພື່ອແນໃສ່ເລືອກເອົາບັນດາບົດປະພັນສື່ມວນຊົນທີ່ດີເດັ່ນກ່ຽວກັບການຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ, ວິຖີຊີວິດປະທານ ໂຮ່ຈີມິນ. ຄະນະຈັດຕັ້ງປາດຖະໜາວ່າ ຜ່ານບັນດາບົດປະພັນສື່ມວນຊົນເຂົ້າຮ່ວມການປະກວດ, ຈະສືບຕໍ່ຢັ້ງຢືນຄວາມໝາຍ, ຄຸນຄ່າຍືນຍົງຄົງຕົວຂອງແນວຄິດ, ຄຸນສົມບັດ, ວິຖີຊີວິດປະທານ ໂຮ່ຈີມິນ, ດຶງດູດຄວາມສົນໃຈຂອງພະນັກງານ, ສະມາຊິກພັກໃນລະບົບການເມືອງ ແລະ ທົ່ວສັງຄົມຫຼາຍກວ່າອີກ ສຳລັບການຮໍ່າຮຽນ ແລະ ປະຕິບັດຕາມແນວຄິດ, ຄຸນສົມບັດ, ວິຖີຊີວິດຂອງ ເພິ່ນ.
ການປະກວດຈະຈັດພິທີມອບລາງວັນໃນປີ 2023, 2024 ແລະ 2025 ເນື່ອງໃນໂອກາດວັນຄ້າຍວັນເກີດປະທານ ໂຮ່ຈີມິນ.