ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກກ່າວຄໍາເຫັນທີ່ກອງປະຊຸມ (ພາບ:  VGP)

       ນະທີ່ນີ້, ທ່ານນາຍົກລັດຖະມົນຕີໄດ້ຕັ້ງບັນຫາມາວ່າ ຕ້ອງຍົກອອກນະໂຍບາຍແນວໃດ ເພື່ອຊຸກຍູ້ການພັດທະນາເສດຖະກິດສັງຄົມຂອງປະເທດຊາດ. ນີ້ກໍແມ່ນຄໍາຖາມສໍາລັບບັນດາແຂວງຢູ່ເຂດເສດຖະກິດຈຸດສຸມທາງພາກໃຕ້, ໂດຍສະເພາະແມ່ນ 8 ແຂວງຂອງເຂດນີ້ສວມບົດບາດສໍາຄັນສໍາລັບປະເທດຊາດ ເຊິ່ງກວມເອົາ 42% GDP ແລະ 42% ງົບປະມານແຫ່ງລັດ. ເພື່ອສາມາດບັນລຸໄດ້ເປົ້າໝາຍ ພື້ນຖານເສດຖະກິດມີລາຍຮັບສູງໃນປີ 2045, ທ່ານນາຍົກລັດຖະມົນຕີຫວຽດນາມ ຫງວຽນຊວັກຟຸກ ຖືວ່າ:

        “ດ້ວຍທີ່ຕັ້ງບົດບາດຂອງເຂດເສດຖະກິດຈຸດສຸມທາງພາກໃຕ້, ພວກຂ້າພະເຈົ້າຂໍສະເໜີ: ທີໜຶ່ງແມ່ນ, ພື້ນຖານເສດຖະກິດໂລກພວມຊຸດໂຊມຢ່າງແຮງ ແລະ ມີການເຕີບໂຕທາງລົບ, ຫວຽດນາມ ຕ້ອງສູ້ຊົນຫຼາຍກວ່າອີກ, ເພື່ອບັນລຸລື່ນກາຍລະດັບ ຫຼື ທຽບເທົ່າກັບລະດັບ ເຊິ່ງແຜນການຂອງລັດໄດ້ມອບໝາຍໃຫ້. ເພາະສະນັ້ນ, ຂ້າພະເຈົ້າສະເໜີ ຕ້ອງມີວິທີການແກ້ໄຂ ແລະ ມາດຕະການປະຕິບັດເພີ່ມເຕີມ”.

        ທ່ານນາຍົກລັດຖະມົນຕີ ກໍສະເໜີໃຫ້ບັນດາທ້ອງຖິ່ນດັ່ງກ່າວ ຈົ່ງສຸມໃສ່ການພັດທະນາບັນດາເຂດອຸດສາຫະກໍາ, ເຂດຕົວເມືອງອັດສະລິຍະ. ພ້ອມກັນນັ້ນ, ທ່ານກໍຮຽກຮ້ອງໃຫ້ມີມາດຕະການພັດທະນາເສດຖະກິດພາກເອກະຊົນ; ພັດທະນາເສດຖະກິດດີຈີຕອນ ແລະ ບັນດາຮູບແບບດໍາເນີນທຸລະກິດໃໝ່, ກະຕຸ້ນຄວາມຕ້ອງການພາຍໃນປະເທດ ແລະ ຍູ້ແຮງການສົ່ງອອກ.