ທ່ານປະທານາທິບໍດີ ລັດເຊຍ Vladimir Putin (ພາບ: TTXVN)

ວາລະສານ ຊີວິດສາກົນ ໄດ້ມີບົດສັງເກດກ່ຽວກັບບັນດາປັດໃຈສ້າງເປັນຖານະບົດບາດຂອງ ຫວຽດນາມ ໃນນະໂຍບາຍຂອງ ລັດເຊຍ ຢູ່ພາກພື້ນ ອາຊີ - ປາຊີຟິກ.

        ຕາມນັ້ນແລ້ວ, ປັດໃຈທຳອິດແມ່ນລະດັບເຕີບໂຕເສດຖະກິດເພີ່ມຂຶ້ນຂອງຫວຽດນາມ ພາໃຫ້ ຫວຽດນາມ ນັບມື້ນັບມີຄວາມດຶງດູດໃນສາຍຕາຂອງນັກລົງທຶນ.

        ປັດໃຈທີສອງແມ່ນ, ການພົວພັນທາງດ້ານເສດຖະກິດ - ການຄ້າ ແລະ ການເມືອງ - ການທະຫານລະຫວ່າງສອງປະເທດນັບແຕ່ສະຕະວັດທີ 20 ມາຮອດປັດຈຸບັນ ພວມໄດ້ຮັບການຮັກສາໄວ້ ແລະ ປັບປຸງ.

        ປັດໃຈທີສາມແມ່ນ, ເລີ່ມມາຈາກທີ່ຕັ້ງຂອງ ຫວຽດນາມ ໃນພາກພື້ນ ອາຊີ - ປາຊີຟິກ, ພາກພື້ນນີ້ນັບມື້ນັບເພີ່ມຖານະບົດບາດໃນບັນດາບຸລິມະສິດພົວພັນຕ່າງປະເທດຂອງ ລັດເຊຍ ຢ່າງແຮງ.

        ປັດໃຈທີສີ່ແມ່ນກ່ຽວຂ້ອງເຖິງຄວາມສາມາດຂອງ APEC “ປະກອບ“ ເຂົ້າລະບົບບັນດາວິວັດທະນາການການເມືອງ ແລະ ເສດຖະກິດລວມຢູ່ ອາຊີ - ປາຊີຟິກ.

        ໜັງສືພິມດັ່ງກ່າວສະຫຼຸບວ່າບັນດາປັດໃຈດັ່ງກ່າວໄດ້ເຮັດໃຫ້ການພັດທະນາສາຍພົວພັນດ້ານເສດຖະກິດ - ການຄ້າກັບ ຫວຽດນາມ ກາຍເປັນບຸລິມະສິດສຳລັບລັດເຊຍ, ໃນສະຖານະການທີ່ ຫວຽດນາມ ກໍ່ມີຄວາມເອົາໃຈໃສ່ເຖິງການປັບປຸງການຮ່ວມມືກັບ EAEU.