ປັບປຸງ, ເພີ່ມເຕີມ ບາງຂໍ້ກຳນົດຍົກ ເວັ້ນວີຊາໃຫ້ແກ່ ຊາວ ຫວຽດ ນາມ ອາໄສຢູ່ຕ່າງປະ ເທດ
(ພາບປະກອບ)
(vovworld)-ຫວ່າງແລ້ວນີ້, ລັດຖະບານຫວຽດນາມໄດ້ປະກາດໃຊ້ການປັບປຸງ, ເພີ່ມເຕີມບາງຂໍ້ກຳນົດກ່ຽວກັບການຍົກເວັ້ນວີຊາໃຫ້ແກ່ຊາວ ຫວຽດນາມ ອາໄສຢູ່ຕ່າງປະເທດ ໃນດຳລັດເລກທີ 135/2007. ໃນນັ້ນໄດ້ປັບປຸງ, ເພີ່ມເຕີມມາດຕາ 4 ຂໍ້ 3 ວ່າ ”ອົງການທີ່ມີສິດອຳນາດຕ້ອງອອກໜັງສືຍົກເວັ້ນວີຊາພາຍໃນເວລາ 5 ວັນ, ນັບແຕ່ວັນໄດ້ຮັບສຳເນົາເອກະສານຢ່າງຄົບຖ້ວນ”, ແລະປັບປຸງ, ເພີ່ມເຕີມ ມາດຕາ 5 ເຂົ້າໃນຂໍ້ 4 ວ່າ ”ສຳເນົາເອກະສານສະເໜີອອກໜັງສືຍົກເວັ້ນວີຊາ ຕ້ອງເຮັດເປັນຊຸດ”, ກໍ່ຄືປັບປຸງ , ເພີ່ມເຕີມ ຂໍ້ 6 ວ່າ ”ຜູ້ເຂົ້າຫວຽດນາມດ້ວຍໜັງສືຍົກເວັ້ນວີຊາ, ແມ່ນບໍ່ໄດ້ອາໄສຢູ່ຫວຽດນາມເກີນ 90 ວັນ. ຖ້າມີຄວາມຕ້ອງກັນອາໄສຢູ່ຫວຽດນາມຕື່ມອີກ, ຕ້ອງໄດ້ຮັບການຄຳ້ປະກັນຈາກອົງການຈັດຕັ້ງ, ສ່ວນບຸກຄົນຢູ່ຫວຽດນາມ, ແລະ ຕ້ອງມີເຫດຜົນທີ່ເໝາະສົມ ແມ່ນຈະໄດ້ຮັບການພິຈາລະນາ, ແກ້ໄຂຕໍ່ກຳນົດເວລາອາໄສຢູ່ຫວຽດນາມຊົ່ວຄາວ, ແຕ່ລະເທື່ອແມ່ນບໍ່ເກີນ 90 ວັນ”. ຂໍ້ກຳນົດດັ່ງກ່າວເລີ່ມມີຜົນສັກສິດນັບແຕ່ວັນທີ 15/4/2012 ເປັນຕົ້ນໄປ.