ທ່ານຮອງລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ເລກົງແທ່ງ (ພາບ: TTXVN)

ນີ້ແມ່ນເນື້ອໃນຂອງເອກກະສານວາງແຜນຜັງປົກປັກຮັກສາສິ່ງແວດລ້ອມແຫ່ງຊາດ ໄລຍະ 2021 – 2030, ວິໄສທັດຮອດປີ 2050, ໂດຍກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ປະກາດໃນຕອນເຊົ້າວັນທີ 15 ພະຈິກ, ຢູ່ ຮ່າໂນ້ຍ.

        ກ່າວຄຳເຫັນຢູ່ທີ່ນີ້, ທ່ານຮອງລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ເລກົງແທ່ງ ໃຫ້ຮູ້ວ່າ, ການວາງແຜນຜັງໄດ້ກຳນົດເປົ້າໝາຍລວມແມ່ນ, ເປັນເຈົ້າການປ້ອງກັນ, ຄວບຄຸ້ມການກໍ່ມົນລະພິດ ແລະ ການຊຸດໂຊມສິ່ງແວດລ້ອມ; ຟື້ນຟູ ແລະ ປັບປຸງສະພາບແວດລ້ອມສິ່ງແວດລ້ອມ; ສະກັດກັ້ນການຊຸດໂຊມ ແລະ ຍົກສູງຄຸນນະພາບຊີວະນາໆພັນ ເພື່ອຮັບປະກັນສິດໄດ້ດຳລົງຊີວິດໃນສະພາບແວດລ້ອມທີ່ປອດໄສຂອງປະຊາຊົນ. ການວາງແຜນຜັງກໍ່ກຳນົດທິດສ້າງຕັ້ງບັນດາເຂດປົກປ້ອງ, ອະນຸລັກຮັກສາທຳມະຊາດ ແລະ ຊີວະນາໆພັນ; ພັດທະນາເສດຖະກິດ - ສັງຄົມແບບຍືນຍົງ ຕາມທິດເສດຖະກິດສີຂຽວ, ເສດຖະກິດໝູນວຽນ, ເສດຖະກິດກາກບອນຕ່ຳ, ມີຄວາມປະສົມກົມກຽວກັບທຳມະຊາດ ແລະ ເປັນມິດກັບສິ່ງແວດລ້ອມ, ເປັນເຈົ້າການຮັບມືກັບການປ່ຽນແປງຂອງດິນຟ້າອາກາດ.