(VOVWORLD) - ກະຊວງຍຸຕິທຳໄດ້ສ້າງຂຶ້ນຈາກ ເອກະສານນິຕິກຳເກືອບ 9.000 ສະບັບ ທີ່ພວມມີຜົນສັກສິດຂອງຂັ້ນສູນກາງ.
 (ທ່ານລັດຖະມົນຕີກະຊວງຍຸຕິທຳ ຫງວຽນຫາຍນິງ) |
ຕອນບ່າຍວັນທີ 05 ພະຈິກ, ຢູ່ ຮ່າໂນ້ຍ, ກະຊວງຍຸຕິທຳ ຫວຽດນາມ ໄດ້ຈັດພິທີປະກາດປະມວນນິຕິກຳ ຫວຽດນາມ. ທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວຽດນາມ ເລແທັງລອງ, ທ່ານລັດຖະມົນຕີກະຊວງຍຸຕິທຳ ຫງວຽນຫາຍນິງ ໄດ້ປະຕິບັດພິທີປະກາດປະມວນນິຕິກຳ ຫວຽດນາມ. ກະຊວງຍຸຕິທຳໄດ້ສ້າງຂຶ້ນຈາກ ເອກະສານນິຕິກຳເກືອບ 9.000 ສະບັບ ທີ່ພວມມີຜົນສັກສິດຂອງຂັ້ນສູນກາງ. ປະມວນນິຕິກຳຂອງລັດ ຫວຽດນາມ ແມ່ນປະມວນນິຕິກຳເອເລັກໂຕນິກ, ໄດ້ເອົາລົງຢູ່ຖານຂໍ້ມູນເອເລັກໂຕນິກ ຮັບໃຊ້ການຄົ້ນຫາ, ນຳໃຊ້ຂອງບັນດາອົງການ, ສຳນັກງານ, ສ່ວນບຸກຄົນໂດຍບໍ່ເສຍຄ່າ. ທ່ານລັດຖະມົນຕີກະຊວງຍຸຕິທຳ ຫງວຽນຫາຍນິງ, ໃຫ້ຮູ້ວ່າ:
“ປະມວນນິຕິກຳແມ່ນຜະລິດຕະພັນຂອງລັດເປັນທາງການ, ແມ່ນເຄື່ອງມືເພື່ອຊອກຮູ້ດ້ານກົດໝາຍຢ່າງມີລະບົບ, ຮອບດ້ານ ແລະ ຄົບຖ້ວນ, ມີຄວາມໝາຍ, ມີຄຸນຄ່າຢ່າງແທດຈິງໃນການຮັບປະກັນລັກສະນະເປີດເຜີຍ, ກະຈ່າງແຈ້ງບັນດາຂໍ້ນິຕິກຳ. ປະມວນນິຕິກຳແມ່ນມາດຕະການແກ້ໄຂສຳຄັນເພື່ອໂຄສະນານະໂຍບາຍ, ຍົກສູງປະສິດທິຜົນໃນການສ້າງ, ປະຕິບັດນະໂຍບາຍ, ກົດໝາຍ”.