ການໂອ້ລົມສົນທະນາລະຫວ່າງປະຊາຄົມ ຝຣັ່ງ ໂກໂຟນີ ແລະ ກະຊວງການຕ່າງປະເທດ ຫວຽດນາມ (ພາບ: TTXVN)

ທີ່ການພົບປະສົນທະນາ, ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ຢັ້ງຢືນວ່າແຜນນະໂຍບາຍຂອງຫວຽດນາມ ແມ່ນສືບຕໍ່ເປັນເຈົ້າການ, ຕັ້ງໜ້າເຂົ້າຮ່ວມການເຄື່ອນໄຫວຂອງອົງການສາກົນ ຝລັ່ງ ໂກໂຟນີ, ເປັນສະມາຊິກທີ່ຕັ້ງໜ້າ, ມີຄວາມຮັບຜິດຊອບຂອງປະຊາຄົມ ຝລັ່ງ ໂກໂຟນີ. ພ້ອມດຽວກັນນັ້ນ, ທ່ານລັດຖະມົນຕີ ກໍຍົກອອກບາງຂໍ້ສະເໜີລະອຽດ ແນໃສ່ຊຸກຍູ້ການຮ່ວມມືລະຫວ່າງສອງຝ່າຍໃນຂົງເຂດເສດຖະກິດ - ການຄ້າ. ທ່ານລັດຖະມົນຕີສະເໜີໃຫ້ອົງການສາກົນ ຝລັ່ງ ໂກໂຟນີ ໃຫ້ການໜູນຊ່ວຍບຳລຸງສ້າງວິຊາສະເພາະ ແລະ ພາສາ ຝລັ່ງໃຫ້ແກ່ກຳລັງຂອງ ຫວຽດນາມ ທີ່ເຂົ້າຮ່ວມການເຄື່ອນໄຫວຮັກສາສັນຕິພາບ ຂອງ ສປຊ, ພ້ອມທັງສະໜັບສະໜູນການເພີ່ມທະວີການພົວພັນລະຫວ່າງ ຫວຽດນາມ ແລະ ສະຫະພາບອາຟະລິກາ (AU).

        ສ່ວນທ່ານນາງ Louise Mushikiwabo ເລຂາທິການໃຫຍ່ ອົງການສາກົນ ຝລັ່ງ ໂກໂຟນີ ຢັ້ງຢືນວ່າ ປະຊາຄົມ ຝລັ່ງ ໂກໂຟນີ ຈະເພີ່ມທະວີການຮ່ວມມືກັບ ຫວຽດນາມ ກ່ຽວກັບການສິດສອນພາສາ ຝລັ່ງ ແລະ ໃບຢັ້ງຢືນ ພາສາ ຝລັ່ງ, ໜູນຊ່ວຍ ຫວຽດນາມ ກະກຽມເຂົ້າຮ່ວມການເຄື່ອນໄຫວຮັກສາສັນຕິພາບ ຂອງ ສປຊ, ກໍຄື ຈະມານະພະຍາຍາມຊຸກຍູ້ການພົວພັນຮ່ວມມືລະຫວ່າງ ຫວຽດນາມ ແລະ ສະຫະພາບອາຟະລິກາ, ເພື່ອຜົນປະໂຫຍດຂອງທຸກຝ່າຍ.