ປະຊາຊົນນັບລ້ານຄົນໃນທົ່ວໂລກ ຕ້ອນຮັບວັນບຸນ Easter ໃນໂລກລະບາດໂຄວິດ - 19
(VOVWORLD) - ວັນທີ 4 ເມສາ, ຊາວ ຄຼິດ ນັບລ້ານຄົນໃນທົ່ວໂລກ ໄດ້ສະເຫຼີມສະຫຼອງວັນບຸນ Easter ຄັ້ງທີ 2 ໃນສະພາບການປະຕິບັດບັນດາມາດຕະການຄວບຄຸມໂລກລະບາດໂຄວິດ - 19.
 ວັນບຸນ Easter ຢູ່ ຟີລິບປິນ (ພາບ: AP) |
ວັນບຸນ Easter ແມ່ນວັນບຸນສຳຄັນ ແລະ ສັກສິດທີ່ສຸດສຳລັບຊາວ ກາໂຕລິກ ຫຼາຍກວ່າ 1,3 ຕື້ຄົນ. ໃນບົດກ່າວປາໄສທີ່ ໂບດ St.Peter, ວາຕີກັງ, ສັນທະປະປາ Francis ໄດ້ສຸມໃສ່ຮຽກຮ້ອງໃຫ້ປົກປ້ອງກຸ່ມຄົນທີ່ມີຄວາມສ່ຽງສູງກັບໂລກລະບາດໂຄວິດ - 19 ເຊິ່ງລວມມີ ຜູ້ເຈັບປ່ວຍ, ຜູ້ເຂົ້າເມືອງມາຕັ້ງຖິ່ນຖານ, ຜູ້ປະສົບກັບຄວາມຫຍຸ້ງຍາກ ທາງດ້ານເສດຖະກິດ ແລະ ຜູ້ທີ່ດຳລົງຊີວິດຢູ່ບັນດາປະເທດຄື ຊີຣີ, ເຢແມນ ແລະ ລີບີ. ສັນທະປະປາ Francis ຮຽກຮ້ອງໃຫ້ປະຊາຄົມສາກົນ ແກ້ໄຂສະພາບການທີ່ຊັກຊ້າໃນການແຈກຢາຍວັກຊິນ, ພິເສດແມ່ນບັນດາແຜນການແຈກຢາຍໃຫ້ແກ່ບັນດາປະເທດທຸກຍາກ.
ນອກຈາກນັ້ນ ທ່ານກໍສະແດງຄວາມວິຕົກກັງວົນຕໍ່ສະພາບການປະທະກັນໂດຍການໃຊ້ຄວາມຮຸນແຮງທີ່ສືບຕໍ່ເກີດຂຶ້ນໃນທົ່ວໂລກ. ທ່ານຮຽກຮ້ອງໃຫ້ຢຸດຕິສົງຄາມຢູ່ ຊີຣີ ແລະ ເຢແມນ, ຮຽກຮ້ອງໃຫ້ຈັດຕັ້ງການເຈລະຈາລະຫວ່າງ ອິດສະຣາແອັນ - ປາແລັດສະຕິນ ແລະ ຢຸດຕິການໃຊ້ຄວາມຮຸນແຮງຢູ່ ອາຟະລິກາ.