ປະຕິກິລິຍາຂອງຫວຽດນາມຕໍ່ເລື່ອງຈີນປະຕິບັດຄຳສັ່ງຫ້າມຫາປາ
ໂຄສົກກະຊວງການຕ່າງປະເທດຫວຽດນາມ ເລືອງແທງງິ
(ພາບ: ອິນເຕີແນດ)
(vovworld) – ວັນທີ 15/5, ຕອບຄຳຖານກ່ຽວກັບປະຕິກິລິຍາຂອງຫວຽດນາມ ຕໍ່ເລື່ອງຈີນ ປະຕິບັດຄຳສັ່ງຫ້າມຫາປາຢູ່ທະເລຕາເວັນອອກປີ 2013 ນັບແຕ່ເວລາ 12 ໂມງ ວັນທີ 16/5/2013 ເຖິງ 12 ໂມງ ວັນທີ 11/8/2013 ໃນບໍລິເວນ ລວມມີເຂດທະເລຈຳນວນໜຶ່ງຂອງຫວຽດນາມ. ໂຄສົກກະຊວງການຕ່າງປະເທດຫວຽດນາມ ເລືອງແທງງິ ຊີ້ແຈ້ງວ່າ:
“ເລື່ອງຈີນ ປະຕິບັດຄຳສັ່ງຫ້າມຫາປາຢູ່ທະເລຕາເວັນອອກໃນບໍລິເວນ ລວມມີເຂດທະເລຈຳນວນໜຶ່ງຂອງຫວຽດນາມພຽງຝ່າຍດຽວ ແມ່ນການລະເມີດອະທິປະໄຕຂອງຫວຽດນາມ ສຳລັບໝູ່ເກາະ ຮ່ວາງຊາ, ສິດອະທິປະໄຕ ແລະ ສິດຕັດສິນຂອງຫວຽດນາມ ສຳລັບເຂດເສດທະກິດພິເສດ ແລະ ໄຫຼ່ທະວີບຂອງຫວຽດນາມ ຕາມສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລປີ 1982, ບໍ່ເໝາະສົມກັບເນື້ອໃນຈິດໃຈຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC).
ຫວຽດນາມຄັດຄ້ານ ແລະ ຖືວ່າຂໍ້ຕົກລົງພຽງຝ່າຍດຽວດັ່ງກ່າວຂອງຈີນແມ່ນບໍ່ມີຄູນຄ່າ“