ປະຕິບັດສານທາງການ ຂອງນາຍົກລັດຖະມົນຕີ ກ່ຽວກັບວຽກງານປ້ອງກັນ ຕ້ານໂລກໄຂ້ຫວັດສັດປີກຢ່າງເຂັ້ມງວດ
(ພາບປະກອບ)
(vovworld) - ວັນທີ 20/02, ຫ້ອງວ່າການລັດຖະບານໄດ້ອອກແຈ້ງຄຳເຫັນຊີ້ນຳຂອງທ່ານຮອງນາຍົກລັດຖະມົນຕີ ຮ່ວາງຈຸຫາຍ ທີ່ກອງປະຊຸມໂດຍກົງຜ່ານເຄືອຂ່າຍອີນເຕີແນັດ ກ່ຽວກັບວຽກງານປ້ອງກັນຕ້ານໂລກໄຂ້ຫວັດສັດປີກ.
ຕາມນັ້ນແລ້ວ, ບັນດາກະຊວງ, ຂະແໜງການ ແລະ ທ້ອງຖິ່ນສືບຕໍ່ປະຕິບັດບັນດາມາດຕະການທີ່ຍົກອອກມາໃນສານທາງການຂອງນາຍົກລັດຖະມົນຕີຢ່າງເຂັ້ມງວດ, ພ້ອມທັງຊີ້ນຳການຜັນຂະຫຍາຍບາງວຽກງານລະອຽດຄື: ປະກາດແຜນການເຄື່ອນໄຫວຂອງແຕ່ລະທ້ອງຖິ່ນຢ່າງລະອຽດ ເພື່ອຜັນຂະຫຍາຍໜ້າທີ່ເຖິງແຕ່ລະຫົວໜ່ວຍ, ບຸກຄົນ ແນໃສ່ແກ້ໄຂໂລກໄຂ້ຫວັດສັດປີກໃນບໍລິເວນແຂວງໂດຍພື້ນຖານ, ປຸກລະດົມ, ຈັດຕັ້ງ ແລະ ໜູນຊ່ວຍການປະຕິບັດ “ເດືອນຮັກສາອະນາໄມ, ລ້າງພິດ, ຂ້າເຊື້ອໂລກຢ່າງຮີບດ່ວນ ເພື່ອປ້ອງກັນ, ຕ້ານໂລກໄຂ້ຫວັດສັດປີກ” ໃນຂອບເຂດທົ່ວປະເທດແຕ່ວັນທີ 22/02 ຮອດວັນທີ 21/03.
ທ່ານຮອງນາຍົກລັດຖະມົນຕີ ຮ່ວາງຈຸຫາຍ ຮຽກຮ້ອງໃຫ້ບັນດາກະຊວງ, ຂະແໜງການທີ່ກ່ຽວຂ້ອງ ກໍ່ຄືບັນດາທ້ອງຖິ່ນຊີ້ນຳອົງການສື່ມວນຊົນ ໂຄສະນາບັນດາມາດຕະການປ້ອງກັນຕ້ານໂລກລະບາດຢ່າງແຮງ, ສະກັດກັ້ນບໍ່ໃຫ້ໂລກລະບາດແຜ່ລາມອອກ ແລະ ຕິດສູ່ຄົນ, ເປີດເຜີຍການຜັນແປຂອງສະພາບໂລກລະບາດເພື່ອໃຫ້ປະຊາຊົນເປັນເຈົ້າການເຂົ້າຮ່ວມ...