ຖະແຫຼງການຂອງທ່ານສະມາຊິກສະພາສູງ Jim Risch ໃຫ້ຮູ້ວ່າ ໃນຮອບເວລາ ¼ ຂອງສະຕະວັດທີ່ຜ່ານມາ, ອາເມລິກາ ແລະ ຫວຽດນາມ ໄດ້ຜ່ານຜ່າບັນດາບາດແຜສົງຄາມ ເພື່ອສ້າງສາຍພົວພັນຄູ່ຮ່ວມມື ທີ່ເຂັ້ມແຂງໃນບັນດາຂົງເຂດການຄ້າ, ການພັດທະນາ, ສາທາລະນະສຸກສາທາລະນ, ພະລັງງານ, ການປ້ອງກັນຊາດ ແລະ ການພົວພັນແລກປ່ຽນປະຊາຊົນ. ທ່ານສະມາຊິກສະພາສູງ ອາເມລິກາ Jim Risch ໃຫ້ຄຳໝັ້ນສັນຍາ ຈະຊຸກຍູ້ຄວາມມານະພະຍາຍາມຂອງ ອາເມລິກາ ເພື່ອແນໃສ່ສະໜັບສະໜູນປະເທດ ຫວຽດນາມ ທີ່ເຂັ້ມແຂງ, ວັດທະນາຖາວອນ ແລະ ເປັນເອກະລາດ ພ້ອມທັງປັບປຸງສາຍພົວພັນຄູ່ຮ່ວມມືຮອບດ້ານລະຫວ່າງສອງປະເທດ. ຕາມທ່ານສະມາຊິກສະພາສູງ ອາເມລິກາ ແລ້ວ, ອາເມລິກາ ຕ້ອງສືບຕໍ່ໃຫ້ບຸລິມະສິດເຂົ້າຮ່ວມພ້ອມກັບຫວຽດນາມໃນບັນດາຂົງເຂດທີ່ສຳຄັນຄື ຄວາມໝັ້ນຄົງໃນພາກພື້ນ, ການຮ່ວມມືດ້ານເສດຖະກິດ ແລະ ການຄ້າ ກໍຄືສິດທິມະນຸດ ແລະ ການປົກຄອງດ້ວຍກົດໝາຍ.

     ຖະແຫຼງການຍັງໃຫ້ຮູ້ວ່າ ອາເມລິກາ ໃນປີນີ້ ກໍໄດ້ຮັບຮູ້ ແລະ ສະໜັບສະໜູນບົດບາດເປັນປະທານ ອາຊຽນ ຂອງ ຫວຽດນາມ. ອາເມລິກາ ຕີລາຄາສູງບັນດາການເຄື່ອນໄຫວຂອງ ຫວຽດນາມ ໃນການຊຸກຍູ້ “ອາຊຽນ ສະໜິດຕິດພັນ ແລະ ເປັນເຈົ້າການປັບຕົວໃຫ້ແທດເໝາະ”. ອາເມລິກາ ໃຫ້ຄຳໝັ້ນສັນຍາ ຮ່ວມມືກັບ ຫວຽດນາມ ແລະ ບັນດາຄູ່ຮ່ວມມື ອາຊຽນ ໃນອະນາຄົດ ແນໃສ່ຊຸກຍູ້ພາກພື້ນ ອິນເດຍ - ປາຊີຟິກ ເປີດກວ້າງ ແລະ ເສລີພາບ ພ້ອມກັນແກ້ໄຂບັນດາສິ່ງທ້າທາຍຮ່ວມ.