ປະທານປະເທດເຈືອງເຕີ໋ນຊາງຢ້ຽມຢາມມະຫາວິທະຍາໄລຫວຽດນາມ-ເຢຍລະມັນ
ທ່ານປະທານປະເທດຫວຽດນາມ ເຈືອງເຕີ໋ນຊາງ ລົງຢ້ຽມຢາມ
ມະຫາວິທະຍາໄລ ຫວຽດນາມ - ເຢຍລະມັນ ຢູ່ແຂວງ ບິ່ງເຢືອງ
(ພາບ: ThanhVu/TTXVN)
(vovworld) – ຕອນບ່າຍວັນທີ 4/10, ທ່ານປະທານປະເທດຫວຽດນາມ ເຈືອງເຕີ໋ນຊາງ ໄດ້ລົງຢ້ຽມຢາມມະຫາວິທະຍາໄລ ຫວຽດນາມ - ເຢຍລະມັນ ຢູ່ແຂວງ ບິ່ງເຢືອງ. ນີ້ແມ່ນມະຫາວິທະຍາໄລພາກລັດແຫ່ງທຳອິດ, ຂຶ້ນກັບໂຄງການກໍ່ສ້າງມະຫາວິທະຍາໄລຕາມຮູບແບບໃໝ່ ບົນພື້ນຖານການຮ່ວມມືກັບປະເທດຄູ່ຮ່ວມມື. ທ່ານປະທານປະເທດ ເຈືອງເຕີ໋ນຊາງ ຕີລາຄາສູງຈິດໃຈຮ່ວມມື ແລະ ໜູນຊ່ວຍຂອງ ສາທາລະນະລັດ ສະຫະພັນ ເຢຍລະມັນ, ພິເສດແມ່ນກະຊວງວິທະຍາສາດ ແລະ ສິລະປະ ລັດ Hessen. ປະຈຸບັນພວມມີວິສາຫະກິດຫລາຍແຫ່ງມີຄວາມຫວັງຢາກລົງທຶນ, ຮ່ວມສຳພັນກັບມະຫາວິທະຍາໄລ ຫວຽດນາມ - ເຢຍລະມັນ. ສິ່ງນີ້ໄດ້ສະແດງໃຫ້ເຫັນ ຄວາມໄວ້ເນື້ຶອເຊື່ອໃຈຂອງພວກເຂົາເຂົ້າທີ່ມີຕໍ່ການພັດທະນາຢ່າງແຂງແຮງຂອງໂຮງຮຽນໃນອະນາຄົດ. ທ່ານປະທານປະເທດ ເຈືອງເຕີ໋ນຊາງ ໃຫ້ຮູ້ວ່າ:
“ປະຈຸບັນພວມມີການແຂ່ງຂັນເປັນໜ້າຈັບໃຈລະຫວ່າງບັນດາໂຮງຮຽນຮ່ວມສຳພັນລະຫວ່າງ ຫວຽດນາມ ກັບຕ່າງປະເທດຄື: ເຢຍລະມັນ, ອັງກິດ, ຝະລັ່ງ, ຍີ່ປຸ່ນ ແລະ ອາເມລິກາ. ຫວຽດນາມ ພວມຢູ່ໃນວິວັດການປະຕິຮູບດ້ານສຶກສາ, ໃນນັ້ນມີການປະຕິຮູບທາງດ້ານການເງິນຢູ່ບັນດາໂຮງຮຽນພາກລັດເພື່ອຂະຫຍັນຂັນເຄື່ອນກ່ວາ, ເພື່ອເຮັດແນວໃດມີແຫຼ່ງຊັບພະຍາກອນມະນຸດອຸດົມສົມບູນ, ຕອບສະໜອງໄດ້ຕາມພາລະກິດຫັນເປັນອຸດສາຫະກຳ ແລະ ທັນສະໄໝຂອງ ຫວຽດນາມ”.
ມະຫາວິທະຍາໄລ ຫວຽດນາມ - ເຢຍລະມັນ ໄດ້ຮັບການສ້າງຕັ້ງປີ 2008, ຕາມແຜນການ, ມະຫາວິທະຍາໄລ ຫວຽດນາມ - ເຢຍລະມັນ ຈະບຳລຸງສ້າງນັກສຶກສາປະມານ 12000 ຄົນທັງຢູ່ພາຍໃນປະເທດ ແລະ ສາກົນໃນປີ 2030.