ທ່ານ ເວືອງດິ່ງເຫ້ວ ປະທານສະພາແຫ່ງຊາດ ຫວຽດນາມ  (ພາບ: TTXVN)

ເນື່ອງໃນໂອກາດ ທ່ານ ເວືອງດິ່ງເຫ້ວ ປະທານສະພາແຫ່ງຊາດ ຫວຽດນາມ ຊຸດທີ XIV ໄດ້ຮັບການເລືອກຕັ້ງເປັນປະທານສະພາແຫ່ງຊາດ ຫວຽດນາມ ຊຸດທີ XV ໃນວັນທີ 20 ກໍລະກົດ 2021, ທ່ານ ຫຼີຈານຊູ ຫົວໜ້າກຳມະການຄະນະປະຈຳສະພາຜູ້ແທນປະຊາຊົນແຫ່ງຊາດ ຈີນ ໄດ້ສົ່ງສານອວຍພອນ.

ໃນສານອວຍພອນ, ທ່ານ ຫຼີຈານຊູ ໄດ້ເນັ້ນໜັກວ່າ ປັດຈຸບັນ, ການພົວພັນ ລະຫວ່າງ ຈີນ ຫວຽດນາມ ພວມມີການພັດທະນາຢ່າງເປັນປົກກະຕິ, ການ ພົວພັນຮ່ວມມືແລກປ່ຽນລະຫວ່າງ ສະພາຜູ້ແທນປະຊາຊົນແຫ່ງຊາດ ຈີນ ແລະ ສະພາແຫ່ງຊາດ ຫວຽດນາມ ນັບມື້ນັບເຂົ້າສູ່ລວງເລິກ. ທ່ານ ຫຼີຈານຊູ ກໍ່ຢັ້ງຢືນວ່າ ພ້ອມແລ້ວທີ່ຈະພ້ອມກັບທ່ານ ເວືອງດິ່ງເຫ້ວ ປະຕິບັດຕາມບັນດາຄວາມຮັບຮູ້ລວມທີ່ບັນລຸໄດ້ລະຫວ່າງການນຳຂັ້ນສູງສອງພັກ, ສອງລັດ, ຊຸກຍູ້ການພົວພັນ ຮ່ວມມືແລກປ່ຽນ ລະຫວ່າງ ອົງການນິຕິບັນຍັດຂອງສອງປະເທດ ໃຫ້ບືນຕົວຂຶ້ນສູ່ລະດັບສູງໃໝ່ຢ່າງບໍ່ຢຸດຢັ້ງ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຈີນ - ຫວຽດນາມ ໃຫ້ມີການພັດທະນາຢ່າງບໍ່ຢຸດຢັ້ງໃນໄລຍະໃໝ່.