ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ພົບປະກັບທ່ານປະທານຄະນະກຳມະການກວດສອບ ອິນໂດເນເຊຍ Isma Yatum.

ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ໄດ້ຕີລາຄາສູງບົດບາດ ແລະ ບັນດາການປະກອບສ່ວນຂອງຄະນະກຳມະການກວດສອບ ອິນໂດເນເຊຍ ທີ່ມີຕໍ່ການເຄື່ອນໄຫວກວດສອບແຫ່ງລັດໃນພາກພື້ນ ແລະ ສາກົນ; ພ້ອມທັງສະເໜີໃຫ້ສອງອົງການ ສືບຕໍ່ເພີ່ມທະວີການຮ່ວມມືກ່ຽວກັບການກວດສອບການເງິນ, ກວດສອບການປະຕິບັດ ແລະ ກວດສອບການເຄື່ອນໄຫວ, ເອົາໃຈໃສ່ເປັນພິເສດເຖິງການກວດສອບໃນຂົງເຂດສິ່ງແວດລ້ອມ, ເຕັກໂນໂລຢີຂໍ້ມູນຂ່າວສານ, ການຫັນເປັນດີຈີຕອນ, ຄວບຄຸມຄຸນນະພາບການກວດສອບ ແລະ ບັນດາການເຄື່ອນໄຫວ ເຊິ່ງອົງການກວດກາສູງສຸດຂອງສອງປະເທດມີທ່າແຮງ ແລະ ມີຄວາມບົ່ມຊ້ອນ.

        ສ່ວນທ່ານປະທານຄະນະກຳມະການກວດສອບ ອິນໂດເນເຊຍ Isma Yatun, ປາດຖະໜາວ່າ ທ່ານປະທານສະພາແຫ່ງຊາດ ເວືອງດິ່ງເຫວະ ຈະສືບຕໍ່ສະໜັບສະໜູນການຮ່ວມມືລະຫວ່າງສອງອົງການກວດສອບສູງສຸດຂອງສອງລັດ, ສະໜັບສະໜູນ ອິນໂດເນເຊຍ ໃນຖານະເປັນປະເທດເຈົ້າພາບຈັດກອງປະຊຸມສາກົນບັນດາອົງການກວດສອບສູງສຸດ (INTOSAI)ໃນປີ 2028.