(vovworld) - ທ່ານເອກອັກຄະລັດຖະທູດຫວຽດນາມ ປະຈຳ Rumania Tran Xuan Thuy ຫາກໍຍືນສານຕາຕັ້ງຂອງທ່ານປະທານປະເທດ Truong Tan Sang ຕໍ່ທ່ານປະທານາທິບໍດີ Traian Basescu. ພາຍຫຼັງພິທີຍືນສານຕາຕັ້ງເຊິ່ງດຳເນີນໄປຢູ່ສຳນັກງານປະທານາທິບໍດີ, ທ່ານປະທານາທິບໍດີ Basescu ໄດ້ຕ້ອນຮັບທ່ານເອກອັກຄະລັດຖະທູດ Tran Xuan Thuy ຢ່າງສະໜິດສະໜົມ. ທີ່ການຕ້ອນຮັບ, ທ່ານປະທານາທິບໍດີ Basescu ໄດ້ສະເໜີໃຫ້ທ່ານເອກອັກຄະລັດຖະທູດ Tran Xuan Thuy ຮ່ວມມືກັບບັນດາອົງການທີ່ກ່ຽວຂ້ອງຂອງ Rumania ເພື່ອແນໃສ່ຊຸກຍູ້ການພົວພັນຮ່ວມມືເສດຖະກິດລະຫວ່າງສອງປະເທດ, ປະກອບສ່ວນເພີ່ມທະວີ, ເປີດກວ້າງ ແລະ ເຮັດໃຫ້ການພົວພັນຮ່ວມມືຫຼາຍດ້ານລະຫວ່າງ Rumania ແລະ ຫວຽດນາມ ເລິກເຊິ່ງຂຶ້ນເຕີ່ມ.
ສ່ວນທ່ານເອກອັກຄະລັດຖະທູດ Tran Xuan Thuy ໄດ້ສະເໜີໃຫ້ Rumania ສືບຕໍ່ສະໜັບສະໜູນຫວຽດນາມ ໃນການເຄື່ອນໄຫວຈຳນວນໜຶ່ງຢູ່ສະຫະປະຊາຊາດ ແລະ ສະຫະພາບເອີລົບ. ທ່ານເອກອັກຄະລັດຖະທູດ Tran Xuan Thuy ໄດ້ຢືນຢັນວ່າ ໃນອາຍຸການປະຕິບັດງານຢູ່ Rumania ທ່ານຈະມານະພະຍາຍາມຈົນສຸດຄວາມສາມາດຂອງຕົນ ເພື່ອເພີ່ມທະວີສາຍພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ - Rumania, ຊຸກຍູ້ການຮ່ວມມືສອງຝ່າຍ, ໂດຍສະເພາະແມ່ນໃນຂົງເຂດເສດຖະກິດ ແລະ ການຄ້າ.