ສະຫະພັນແມ່ຍິງ ຫວຽດນາມ - ລາວ ເຊັນຂໍ້ຕົກລົງຮ່ວມມືລະຫວ່າງ 2 ຝ່າຍ

ຕອນບ່າຍວັນທີ 7 ກັນຍາ, ທີ່ສຳນັກງານຄະນະກຳມະການສູນກາງແນວລາວສ້າງຊາດຢູ່ນະຄອນຫຼວງວຽງຈັນ ປະເທດລາວ, ຄະນະຜູ້ແທນສະຫະພັນແມ່ຍິງຫວຽດນາມ ໂດຍທ່ານນາງ ຫງວຽນທິທູຮ່າ, ປະທານສະຫະພັນແມ່ຍິງຫວຽດນາມນຳໜ້າ, ໄດ້ມີການພົບປະກັບ ທ່ານ ໄຊສົມພອນ ພົມວິຫານ, ປະທານຄະນະກຳມະການສູນກາງແນວລາວສ້າງຊາດ ເນື່ອງໃນໂອກາດຄະນະໄປຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 4 – 9 ກັນຍາ. ທີ່ການພົບປະ, ທ່ານນາງ ຫງວຽນທິທູຮ່າ ໄດ້ລາຍງານໃຫ້ທ່ານ ໄຊສົມພອນ ພົມວິຫານ ຮັບຊາບ ກ່ຽວກັບໝາກຜົນຂອງການຢ້ຽມຢາມ ແລະ ເຮັດວຽກຢູ່ລາວ ກໍ່ຄືໝາກຜົນແຫ່ງການພົບປະເຈລະຈາ ລະຫວ່າງ ສະຫະພັນແມ່ຍິງຫວຽດນາມ ແລະ ສະຫະພັນແມ່ຍິງລາວ. ສ່ວນທ່ານ ໄຊສົມພອນ ພົມວິຫານ ກໍ່ສະເໜີສະຫະພັນແມ່ຍິງຫວຽດນາມ ສືບຕໍ່ຍູ້ແຮງວຽກງານໂຄສະນາ ເຖິງສະຫະພັນແມ່ຍິງທຸກຂັ້ນ, ພິເສດແມ່ນລຸ້ນໜຸ່ມ ກ່ຽວກັບການພົວພັນມິດຕະພາບ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ.

        ແລະກໍ່ໃນຕອນບ່າຍຂອງວັນດຽວກັນ, ຄະນະຜູ້ແທນສະຫະພັນແມ່ຍິງຫວຽດນາມ ໄດ້ໄປຢ້ຽມຢາມ ແລະ ເຮັດວຽກກັບສະຖານທູດຫວຽດນາມປະຈຳລາວ.