ປ່ຽນແປງໃໝ່, ປະດິດຄິດສ້າງດ້ວຍຫົວຂໍ້ “ຫັນການລົງທຶນ Startup ໃນພາກພື້ນອາຊຽນເປັນດີຈີຕອນ”
(VOVWORLD) -ຕອນບ່າຍວັນທີ 25 ພະຈິກ, ຄະນະຊາວໜຸ່ມນະຄອນຮ່າໂນ້ຍ ໄດ້ສົມທົບກັບກອງທຶນລົງທຶນຜະຈົນໄພ VinaCapital Ventures ແລະ ຄະນະຈັດຕັ້ງການແຂ່ງຂັນ Startup Vietchallenge ຈັດຕັ້ງ “ວັນບຸນປ່ຽນແປງໃໝ່, ປະດິດຄິດສ້າງ ນະຄອນຫຼວງ - ຫັນການລົງທຶນອາຊຽນເປັນດີຈີຕອນ ແລະ ການແຂ່ງຂັນ Startup ປະດິດຄິດສ້າງ VinaCapital Ventures Vietchallenge ຮອບຊີງຊະນະເລີດ”.
 ທ່ານ ເວືອງດິ່ງເຫ້ວ ເລຂາຄະນະພັກນະຄອນຮ່າໂນ້ຍກ່າວຄຳເຫັນທີ່ວັນບຸນ (ພາບ: TTXVN) |
ວັນບຸນໄດ້ເຕົ້າໂຮມເອົາກອງທຶນຜະຈົນໄພ ກ່ວາ 100ແຫ່ງ ທັງຢູ່ພາຍໃນ ແລະຕ່າງປະເທດ, ມີກຸ່ມບໍລິສັດເສດຖະກິດແຖວໜ້າ ຫວຽດນາມ ກ່ວາ 20 ແຫ່ງ, ມີສະມາຄົມນັກສຶກສາ ຫວຽດນາມ ຢູ່ຕ່າງປະເທດກ່ວາ 10 ສະມາຄົມ…ນີ້ແມ່ນການເຄື່ອນໄຫວເພື່ອແນໃສ່ສ້າງກາລະໂອກາດໃຫ້ແກ່ວິສາຫະກິດ Startup ປ່ຽນແປງໃໝ່ປະດິດຄິດສ້າງ ໄດ້ສຳຜັດກັບບັນດາກອງທຶນລົງທຶນຕ່າງປະເທດ, ພ້ອມທັງແນະນຳພາບພົດຂອງນະຄອນຮ່າໂນ້ຍຄືດັ່ງຈຸດນັດພົບແຫ່ງການລົງທຶນທີ່ມີຄວາມດູດດື່ມພາຍຫຼັງ ໂລກລະບາດໂຄວິດ - 19. ກ່າວຄຳເຫັນທີ່ລາຍການ, ທ່ານ ເວືອງດິ່ງເຫ້ວ ເລຂາຄະນະພັກນະຄອນຮ່າໂນ້ຍສະເໜີວ່າ:
ບັນດາສະມາຊິກຊາວໜຸ່ມສືບຕໍ່ຄົ້ນຄ້ວາວິທະຍາສາດ, ປະຕິບັດຄວາມຄາດຫວັງປ່ຽນແປງໃໝ່ປະດິດຄິດສ້າງ, ຊອກຫາບັນດາວິທີການໃໝ່ໃຫ້ແກ່ບັນດາບັນຫາຂອງນະຄອນຫຼວງ. ການນຳນະຄອນຍາມໃດກໍ່ຈະໜູນຊ່ວຍ, ຮ່ວມເດີນທາງກັບພວກເພື່ອນໃນວິວັດທະນາການ Startup ປ່ຽນແປງໃໝ່ປະດິດຄິດສ້າງ. ໃນໄລຍະຈະມາເຖິງ, ນະຄອນຈະມີຫຼາຍວິທີການແກ້ໄຂສຳຄັນຄືສ້າງຕັ້ງ ແລະ ພັດທະນາພື້ນຖານປ່ຽນແປງໃໝ່ປະດິດຄິດສ້າງແບບເປີດ ເພື່ອເພີ່ມທະວີການຮ່ວມສຳພັນ, ເຊື່ອມຕໍ່ພື້ນຖານໂຄງລ່າງການຄົ້ນຄ້ວາຂອງບັນດາອົງການຈັດຕັ້ງວິທະຍາສາດ ແລະ ເຕັກໂນໂລຢີສູນກາງ ແລະ ຮ່າໂນ້ຍ, ບັນດາກຸ່ມບໍລິສັດ, ວິສາຫະກິດເພື່ອສ້າງສະພາບແວດລ້ອມແຫ່ງການພັດທະນາ ແລະ ທົດລອງບັນດາເຕັກໂນໂລຢີໃໝ່.