ປີ 2015:ເປີດເຜີຍ 100% ລະບຽບ ບໍລິຫານຢູ່ອຳນາດ ການປົກຄອງ 4 ຂັ້ນ
ທ່ານໂງຫາຍຟານ, ຫົວໜ້າກົມກວດກາລະບຽບການບໍລິຫານ,
ກະຊວງຍຸດຕິທຳກ່າວຄຳເຫັນທີ່ກອງປະຊຸມ
(ພາບ: vov)
(vovworld) – ປີ 2014, ລັດຖະບານຊີ້ນຳການປະຕິຮູບດ້ານບໍລິຫານໃນບັນດາຂົງເຂດພາສີ, ອາກອນ, ທີ່ດິນ, ຊັບພະຍາກອນທຳມະຊາດ ແລະ ສິ່ງແວດລ້ອມຢ່າງຂ້ຽວຂາດ…ຮ່າງຂໍ້ຕົກລົງຂອງນາຍົກລັດຖະມົນຕີເຊັນອະນຸມັດແຜນການຫັນລະບຽບການບໍລິຫານເປັນງາຍດາຍໃນປີ 2015 ສະເໜີ 18 ໝວດກຳນົດລະບຽບການບໍລິຫານຕ້ອງດຳເນີນການກວດກາ, ຫັນເປັນລະອຽດໃນບັນດາຂົງເຂດກ່ຽວຂ້ອງເຖິງສາທາລະນະສຸກ, ການສຶກສາ, ການຜະລິດດຳເນີນທຸລະກິດ….ກ່າວຄຳເຫັນທີ່ກອງປະຊຸມສຳມະນາຮັບຄຳເຫັນກ່ຽວກັບແຜນການຫັນລະບຽບການບໍລິຫານເປັນງາຍດາຍປີ 2015 ຈັດຂຶ້ນໃນຕອນເຊົ້າວັນທີ 5/11, ທ່ານໂງຫາຍຟານ, ຫົວໜ້າກົມກວດກາລະບຽບການບໍລິຫານ, ກະຊວງຍຸດຕິທຳ ໃຫ້ຮູ້ວ່າ:
“ປີ 2015 ຕ້ອງສຸມໃສ່ບັນດາບັນຫາຊີວິດສັງຄົມ, ກະສິກຳ, ຊົນນະບົດ. ຫວຽດນາມ ມີພົນລະເມືອງເກືອບ 70 ລ້ານຄົນເຮັດວຽກງານກະສິກຳ, ການປະຕິຮູບຂອງຫວຽດນາມ ຈະກະທົບເຖິງຜູ້ໄດ້ຊົມໃຊ້ເປັນຈຳນວນຫຼາຍ. ທີ່ສອງແມ່ນເຮັດແນວໃດໃຫ້ບັນດາລະບຽບການກ່ຽວຂ້ອງເຖິງຂະແໜງສາທາລະນະສຸກ, ໂດຍສະເພາະແມ່ນການກວດ, ປິ່ນປົວພະຍາດໃຫ້ແກ່ ປຊຊ ຕ້ອງຫລຸດຜ່ອນລົງ. ອາດຈະເຫັນໄດ້ວ່າ, ເປົ້າໝາຍກະທົບຂອງ 180 ໝວດລະບຽບການບໍລິຫານແມ່ນໃຫ່ຍຫຼວງທີ່ສຸດ. ຖ້າຫາກປະຕິບັດໄດ້, ການປະຕິຮູບຈະມີການປ່ຽນແປງອັນຕັ້ງໜ້າ“./.