ວາລະປະຊຸມເມື່ອວັນທີ 2/11 ຂອງສະພາແຫ່ງຊາດ ຫວຽດນາມ
(ພາບ: Phương Hoa/ ສຳນັກຂ່າວສານ ຫວຽດນາມ)
|
(vovworld) – ພາຍຫລັງໄດ້ຮັບຟັງບັນດາສະມາຊິກສະພາແຫ່ງຊາດປຶກສາຫາລືກ່ຽວກັບບົດລາຍງານເສດຖະກິດ - ສັງຄົມ ປີ 2016 ແລະ ແຜນການການເງິນໄລຍະ 5 ປີ, ທີ່ວາລະປະຊຸມໃນຕອນເຊົ້າວັນທີ 2/11, ທີ່ຫໍປະຊຸມສະພາແຫ່ງຊາດ, ຜູ້ມີສິດເລືອກຕັ້ງທົ່ວປະເທດໄດ້ຕີລາຄາສູງບັນດາມາດຕະການຢ່າງແຮງ ແລະ ມີລັກສະນະບຸກທະລຸໃນບັນດາຂອບປະຕິຮູບລະບຽບການບໍລິຫານ, ປັບປຸງສະພາບແວດລ້ອມດຳເນີນທຸລະກິດ, ສ້າງເງື່ອນໄຂໃຫ້ບັນດາວິສາຫະກິດຂອງລັດຖະບານ. ຜູ້ມີສິດເລືອກຕັ້ງ ຫງວຽນດຶກແທ່ງ, ຫົວໜ້າສະຖາບັນຄົ້ນຄ້ວາເສດຖະກິດ ແລະ ນະໂຍບາຍ, ມະຫາວິທະຍາໄລເສດຖະກິດ, ມະຫາວິທະຍາໄລແຫ່ງຊາດ ຮ່າໂນ້ຍ, ຖືວ່າ: ທິດທາງຂອງລັດຖະບານໃນການຍົກສູງທີ່ຕັ້ງຂອງລັດວິສາຫະກິດ, ສ້າງສະພາບແວດລ້ອມດຳເນີນທຸລະກິດສະດວກກ່ວາ, ປະຕິຮູບລະບຽບການບໍລິຫານ... ແມ່ນຖືກຕ້ອງ ແລະ ສົ່ງຜົນກະທົບໃຫຍ່ຫຼວງ, ສ້າງພື້ນຖານໃຫ້ແກ່ການເຕີບໂຕເສດຖະກິດຂອງ ຫວຽດນາມ ບໍ່ພຽງແຕ່ໃນປີນີ້ເທົ່ານັ້ນ ຫາກຍັງໃນຊຸມປີຕໍ່ໄປອີກດ້ວຍ.
ຕາມທ່ານ ໂດ໋ງອກອາມ, ຜູ້ມີສິດເລືອກຕັ້ງຕາແສງ 1, ເມືອງ 8, ໄດ້ຊີ້ແຈ້ງວ່າ:
“ພວກຂ້າພະເຈົ້າດີໃຈຫຼາຍ, ຍ້ອນວ່າວາລະປະຊຸມຂອງສະພາແຫ່ງຊາດໄດ້ເຕື້ອງເຖິງບັນຫາຫຼັກແຫຼ່ງ ແກ່ນສານ, ບັນດາບັນຫາເຄັ່ງຮ້ອນທີ່ສຸດໃນປະຈຸບັນ. ປະເທດ ຫວຽດນາມ ຍັງມີຄວາມຫຍຸ້ງຍາກ, ແຕ່ດ້ວຍບັນດາຄວາມຕັດສິນໃຈຂອງສະຫາແຫ່ງຊາດ, ປັບປຸງບັນດາບັນຫາຍັງອ່ອນດ້ອຍ, ພິເສດແມ່ນບັນຫາຕ້ານການສໍ້ລາດບັງຫຼວງ, ບັນດາບັນຫາສິ່ງແວດລ້ອມ. ພວກຂ້າພະເຈົ້າຫວັງວ່າ ສະພາແຫ່ງຊາດ ເອົາໃຈໃສ່ ແລະ ມີບັນດາມາດຕະການຢ່າງມີປະສິດທິຜົນ, ນຳມາຄວາມເບີກບານມ່ວນຊື່ນໃຫ້ປະຊາຊົນເທື່ອລະກ້າວ.”