ເຂົາເຈົ້າບໍ່ເຊື່ອໝັ້ນວ່າ ນະໂຍບາຍທາງການທູດສ່ວນຕົວຂອງທ່ານປະທານາທິບໍດີ Trump ກັບ ສປປ.ເກົາຫຼີ ຈະນຳມາເຊິ່ງໝາກຜົນສຸດທ້າຍແມ່ນສ້າງແຫຼມ ເກົາຫຼີ ປອດນິວເຄຼຍ. ການຢັ່ງຫາງສຽງໄດ້ສະແດງໃຫ້ເຫັນວ່າ ຜູ້ມີສິດເລືອກຕັ້ງ ອາເມລິກາ 54% ມີຄວາມສົງໄສກ່ຽວກັບການພົວພັນສະໜິດສະໜົມລະຫວ່າງທ່ານປະທານາທິບໍດີ ອາເມລິກາ Donald Trump ແລະ ການນຳ ສປປ.ເກົາຫຼີ Kim Jong-un ຈະນຳມາເຊິ່ງໝາກຜົນສຸດທ້າຍແມ່ນປອດນິວເຄຼຍ, ໃນຂະນະນັ້ນ ມີພຽງແຕ່ 31% ໄດ້ສະແດງຄວາມເຊື່ອໝັ້ນຕໍ່ວິທີສຳຜັດຂອງທ່ານ Trump ວ່າຈະເຮັດໃຫ້ ສປປ.ເກົາຫຼີ ປະລະຄວາມມັກໃຫຍ່ໃຝ່ສູງດ້ານນິວເຄຼຍຂອງຕົນ.

ທ່ານປະທານາທິບໍດີ ອາເມລິກາ Donald Trump ແລະ ການນຳ ສປປ.ເກົາຫຼີ Kim Jong-un (ພາບ: AFP/TTXVN)

        ການຢັ່ງຫາງສຽງໄດ້ດຳເນີນໄປໃນສະພາບການທີ່ ອາເມລິກາ ແລະ ສປປ.ເກົາຫຼີ ພວມສົ່ງເສີມບັນດາການເຈລະຈາກ່ຽວກັບບັນຫາປອດນິວເຄຼຍ ພາຍຫລັງການພົບປະລະຫວ່າງທ່ານປະທານາທິບໍດີ ອາເມລິກາ Donald Trump ແລະ ການນຳ ສປປ.ເກົາຫຼີ Kim Jong-un ຢູ່ເຂດຊາຍແດນລະຫວ່າງ ສ.ເກົາຫຼີ ແລະ ສປປ.ເກົາຫຼີ ໃນທ້າຍເດືອນ ມິຖຸນາ ຜ່ານມາ. ທີ່ການພົບປະນີ້, ການນຳ 2 ທ່ານໄດ້ເຫັນດີເປັນເອກະພາບຕໍ່ເລື່ອງເລີ່ມເຄື່ອນໄຫວວິວັດທະນາການເຈລະຈາປອດນິວເຄຼຍຄືນໃໝ່.