(vovworld) – ວັນ​ທີ 16/04, ຢູ່​ນະ​ຄອນ ເຫວ້, ຄະ​ນະ​ປະ​ຕິ​ບັດ​ງານ​ສູນ​ກາງ ໂດຍ​ທ່ານ​ນາງ ເຈືອງ​ທິ​ມາຍ ຫົວ​ໜ້າ​ຄະ​ນະ​ຂົນ​ຂວາຍ​ປະ​ຊາ​ຊົນ​ສູນ​ກາງ​ ນຳ​ໜ້າໄດ້ລົງ​ຢ້ຽມ​ຢາມ, ອວຍ​ພອນ​ສະ​ມາ​ຄົມ​ຄິດ​ທະ​ສາ​ສະ​ໜາ ເຫວ້ ເນື່ອງ​ໃນ​ໂອ​ກາດ​ບຸນ​ອິດ​ສະ​ເຕີ (Easter) 2017. ຕາງ​ໜ້າໃຫ້​ການ​ນຳ​ພັກ, ລັດ, ທ່ານ​ນາງ ເຈືອງ​ທິ​ມາຍ ອ​ວຍ​ພອ​ນ​ສຸ​ຂະ​ພາບ​ ສັງຄະ​ນາ​ຍົກ ຫງວຽນ​ຈີ​ລິງ ​ຫົວ​ໜ້າ​ສະ​ມາ​ຄົມ​ຄິດ​ທະ​ສາ​ສະ​ໜາ; ສົ່ງ​ຄຳ​ອວຍ​ພອນ​ເນື່ອງ​ໃນ​ໂອ​ກາດ​ບຸນ​ອິດ​ສະ​ເຕ​ີ 2017 ເຖິງ​ບັນ​ດາ​ຜູ້​ມີ​ຍົດ​ຖາ​ບັນ​ດາ​ສັກ ແລ​ະ ພໍ່​ແມ່​ປະ​ຊາ​ຊົນ​ຊາວ​ຄຼິດ. ທ່ານ​ນາງ ເຈືອງ​ທິ​ມາຍ ຢືນ​ຢັນ​ແຜນ​ນະ​ໂຍ​ບາຍ, ນະ​ໂຍ​ບາຍ​ສະ​ເໝີ​ຕົ້ນ​ສະ​ເໝີ​ປາຍ​ຂອງ​ພັກ, ລັດ​ແມ່ນ​ຍາມ​ໃດ​ກໍ່​ເຄົາ​ລົບ, ຮັບ​ປະ​ກັນ​ສິດ​ເສ​ລີ​ໃນ​ການ​ເຫລື້ອມ​ໃສ, ເຊື່ອ​ຖືສາ​ສະ​ໜາ​ຂອງ​ພົນ​ລະ​ເມືອງ; ຮັບ​ປະ​ກັນ​ໃຫ້​ບັນ​ດາ​ສາ​ສະ​ໜາ​ມີ​ຄວາມ​ເສ​ລີ​ໃນ​ການ​ເຄື່ອນ​ໄຫວ​​ຂໍ້​ກຳ​ນົດ​ຂອງ​ກົດ​ໝາຍ. ທ່ານ​ນາງ ເຈືອງ​ທິ​ມາຍ ເຊື່ອ​ໝັ້​ນ​ວ່າ ສັງ​ຄະ​ນາ​ຍົກ ແລະ ບັນ​ດາ​ຜູ້​ມີ​ຍົດ​ຖາ​ບັນ​ດາ​ສັກ​ສືບ​ຕໍ່​ເຂົ້າ​ຮ່ວມ​ບັນ​ດາ​ຂະ​ບວນ​ການ​ແຂ່ງ​ຂັນ​ຮັກ​ຊາດ, ຮ່ວມ​ແຮງ​ຮ່ວມ​ໃຈ​ສ້າງ​ປະ​ເທດ​ຊາດ​ໃຫ້ນັບ​ມື້​ນັບ​ຈະ​ເລີນ​ຮຸງ​ເຮືອງ.