ປີ 2013 ຫວຽດນາມ ແລະ ຍີ່ປຸ່ນ ຈະສະເຫຼີມສະຫຼອງ
40 ປີແຫ່ງວັນສ້າງຕັ້ງສາຍພົວພັນທາງການທູດ
(ພາບ:varans.vn)
(vovworld) – ປີ 2013, ຫວຽດນາມ ແລະ ຍີ່ປຸ່ນ ຈະຈັດພິທີສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດ (21/9/1973-21/9/2013). ປະຈຸບັນ, ຫວຽດນາມ ແລະ ຍີ່ປຸ່ນ ໄດ້ກາຍເປັນຄູ່ຮ່ວມມມືຍຸດທະສາດຂອງກັນ. ຕອບສຳພາດນັກຂ່າວໃນໂອກາດກ້າວເຂົ້າສູ່ປີ 2013, ທ່ານ Yasuaki Tanizaki ເອກອັກຄະລັດຖະທູດຍີ່ປຸ່ນ ປະຈຳຫວຽດນາມ ເນັ້ນໜັກວ່າ: ນັບແຕ່ສອງປະເທດໄດ້ສ້າງຕັ້ງສາຍພົວພັນທາງການທູດມາຮອດປະຈຸບັນ, ການພົວພັນມິດຕະພາບລະຫວ່າງຫວຽດນາມ ແລະ ຍີ່ປຸ່ນ ໄດ້ຮັບການພັດທະນາຢ່າງບໍ່ຢຸດຢັ້ງ, ໄດ້ຮັບການຍູ້ແຮງ ແລະ ຍົກສູງໃນທຸກຂົງເຂດ, ພິເສດແມ່ນຂົງເຂດການຄ້າ ແລະ ການລົງທຶນ. ທ່ານເອກອັກຄະລັດຖະທູດ Yasuaki Tanizaki ໃຫ້ຮູ້ວ່າ: ໃນປີ 2013, ຫວຽດນາມ ແລະ ຍີ່ປຸ່ນ ມີແຜນການຈັດຕັ້ງເຫດການຈຳນວນໜຶ່ງໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງສອງປະເທດ ຊື່ງສຸມໃສ່ເປົ້າໝາຍແມ່ນລຸ້ນໜຸ່ມດ້ວຍຄວາມປາດຖະໜາຢາກໃຫ້ລຸ້ນໜຸ່ມມີຄວາມເຂົ້າໃຈກ່ວາອີກ ແລະ ຈະສືບທອດ, ຮັກສາ ແລະ ເສີມຂະຫຍາຍການພົວພັນອັນດີງາມລະຫວ່າງສອງປະເທດ.