ພິທີມອບລາງວັນການເສັງຂຽນ “ບັນດາແບບຢ່າງລຽບງ່າຍແຕ່ສູງສົ່ງ” (vovworld) – ຕອນຄໍ່າວັນທີ 07/06, ຢູ່ຮ່າໂນ້ຍ, ໜັງສື່ພິມ ກວນໂດ້ຍເຍີນເຢີນ (ສຽງຂອງກອງທັບປະຊາຊົນຫວຽດນາມ), ໂທລະພາບຫວຽດນາມ ແລະ ບາງຫົວໜ່ວຍອື່ນໆ ໄດ້ຈັດລາຍການພົບປະແລກປ່ຽນສະແດງສີລະປະທີ່ມີຫົວຂໍ້ “ສົມເປັນທະຫານລຸງໂຮ່” ແລະ ພິທີມອບລາງວັນການເສັງຂຽນ “ບັນດາແບບຢ່າງລຽບງ່າຍແຕ່ສູງສົ່ງ” ຄັ້ງທີ 5. ກ່າວຄຳເຫັນທີ່ລາຍການ, ທ່ານຫງວຽນທ້ຽນເຍີນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຢືນຢັນວ່າ: ການເສັງຂຽນ “ບັນດາແບບຢ່າງລຽບງ່າຍແຕ່ສູງສົ່ງ” ມີຄວາມໝາຍສຳຄັນຍິ່ງ ເມື່ອຫວຽດນາມ ພວມຍູ້ແຮງການປະຕິບັດຄຳສັ່ງຂອງກົມການເມືອງກ່ຽວກັບການຮໍ່າຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ. ທ່ານຫງວຽນທ້ຽນເຍີນ ໄດ້ມອບລາງວັນທີ 1 ໃຫ້ນັກປະພັນ ຟານຕ໋ຽນຢຸງ ດ້ວຍບັນດາບົດປະພັນ “ຜູ້ສະສົມເອກະສານທີ່ລຳ້ຄ່ານັບພັນຢ່າງກ່ຽວກັບຮ່ວາງຊາ ແລະ ເຈື່ອງຊາ”. ບົດປະພັນໄດ້ຂຽນກ່ຽວກັບອ້າຍ ເຈີ່ນທັ໋ງ, ເຊິ່ງເປັນຊາວຫວຽດນາມ ອາໄສຢູ່ອາເມລິກາ, ແຕ່ຍາມໃດອ້າຍກໍ່ອວາຍໜ້າສູ່ບ້ານເກີດເມືອງນອນ ແລະ ໄດ້ສະສົມແຜນທີ່ກວ່າ 150 ແຜ່ນ ແລະ ປື້ມ atlas 3 ຫົວມອບໃຫ້ສະຖາບັນຄົ້ນຄວ້າພັດທະນາເສດຖະກິດ - ສັງຄົມດ່ານັ້ງ, ປະກອບສ່ວນຢັ້ງຢືນອະທິປະໄຕຂອງຫວຽດນາມ. ຄະນະຈັດຕັ້ງກໍ່ໄດ້ມອບລາງວັນທີສອງ 2 ລາງວັນ, ທີສາມ 3 ລາງວັນ, ລາງວັນຊົມເຊີຍ 9 ລາງວັນອີກດ້ວຍ.