ພິທີສວດມົນພາວະນາ ຢູ່ລາວ ອາໄລຫາບັນດານັກຮົບວິລະຊົນເສຍສະຫຼະຊີວິດເພື່ອຊາດຢູ່ ເກາະງາກມາ (ພາບ: TTXVN)

ທີ່ພິທີ, ພະມະຫາອາຈານ ທິກມິງກວາງ, ຫົວໜ້າຄະນະບໍລິຫານງານສະມາຄົມພຸດທະສາສະໜາຫວຽດນາມ ປະຈຳລາວ, ເຈົ້າອາວາດວັດເຟິກຕິກ ນະຄອນຫຼວງວຽງຈັນ ໄດ້ຍົກອອກບັນດາການຜັນແປຫຼັກຂອງເຫດການ ງາກມາ ໃນວັນທີ 14 ມີນາ ປີ 1988, ພ້ອມທັງເນັ້ນໜັກເຖິງຄວາມໝາຍຂອງການຈັດພິທີສວດມົນພາວະນາອາໄລຫາ, ສະແດງຄວາມຮູ້ບຸນຄຸນຕໍ່ບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ ແລະ ພໍ່ແມ່ປະຊາຊົນທີ່ເສຍຊີວິດເພື່ອພາລະກິດແຫ່ງການປົກປັກຮັກສາອະທິປະໄຕຜືນແຜ່ນດິນຂອງ ຫວຽດນາມ ຢູ່ທະເລຕາເວັນອອກ, ພິເສດແມ່ນນັກຮົບ 64 ຄົນທີ່ເສຍສະຫຼະຊີວິດຢ່າງອົງອາດກ້າຫານຢູ່ເກາະງາກມາ, ຂຶ້ນກັບໝູ່ເກາະ ເຈື່ອງຊາຂອງ ຫວຽດນາມ ກ່ອນນີ້ 34 ປີ.

ພະມະຫາອາຈານ ຈິກມິງກວາງ ໄດ້ຮຽກຮ້ອງໃຫ້ຄົນລຸ້ນໜຸ່ມຈົ່ງເສີມຂະຫຍາຍມູນເຊື້ອຂອງລຸ້ນພໍ່ລຸ້ນອ້າຍໃນການປົກປັກຮັກສາປະເທດຊາດຢ່າງໝັ້ນແກ່ນລວມມີ: ເຂດດິນຕໍ່ແຜ່ນ, ເຂດນ່ານຟ້າ, ເຂດທະເລ, ໝູ່ເກາະ, ໄຫຼ່ທະວີບທີ່ສັກກະລະບູຊາຂອງປະເທດຊາດ, ເພື່ອຊົນຊາດຫວຽດນາມຍືນຍົງຄົງຕົວຊົ່ວກາລະນານ, ພະມະຫາອາຈານ ກໍ່ເນັ້ນໜັກວ່າ ນີ້ແມ່ນໂອກາດເພື່ອໃຫ້ບັນດາພຸດທະສາສະນິກກະຊົນ ແລະ ພໍ່ແມ່ປະຊາຊົນຊາວຫວຽດນາມ ອາໄສຢູ່ລາວ ສະແດງຄວາມຮູ້ບຸນຄຸນຕໍ່ລຸ້ນພໍ່ແມ່ ເຊິ່ງໄດ້ອຸທິດສ່ວນຕົນໃຫ້ແກ່ປະເທດຊາດ.