“ ສຸຂະພາບຂອງຜູ້ອາຍຸສູງ ”ແມ່ນຫົວຂໍ້ຂອງວັນສຸຂະພາບໂລກ 7/4/2ົ້012
(ພາບ: internet)
|
Vovworld- ວັນທີ 6 ເມສາ ຢູ່ຮ່າໂນ້ຍ, ກະຊວງສາທາລະນະສຸກຫວຽດນາມ ໄດ້ຈັດພິທີໂຮມຊຸມນຸມມິດຕິງຕອບສະໜອງວັນສຸຂະພາບໂລກ ( 7/4) ດ້ວຍຫົວຂໍ້ວ່າ “ ສຸຂະພາບຂອງຜູ້ອາຍຸສູງ ”. ທີ່ພິທີໂຮມຊຸມນຸມມິດຕິງ, ທ່ານ Tran Duc Long ຫົວໜ້າກົມໆລະບອບກົດໝາຍ- ກະຊວງສາທາລະນະສຸກຫວຽດນາມ ໄດ້ຊີ້ແຈ້ງວ່າ : ຈຸດເວລານີ້, ຫວຽດນາມພວມກ້າວເຂົ້າສູ່ທ້າຍໄລຍະປະຊາກອນທີ່ດີທີ່ສຸດ, ປະຈຸບັນ ຜູ້ອາຍຸສູງຫວຽດນາມກວມປະມານ 8.150.000 ຄົນ, ກວມອັດຕາ 9,4% ຈຳນວນປະຊາກອນ. ຄາດຄະເນວ່າ ຮອດປີ 2017 ຈະກ້າວສູ່ໄລຍະປະຊາກອນຖືກເຖົ້າແກ່ໄປ. ດັ່ງນັ້ນ, ຄວາມເອົາໃຈໃສ່, ເບິ່ງແຍງເຖິງສຸຂະພາບຜູ້ອາຍຸສູງ ແມ່ນໜ້າທີ່ສຳຄັນຂອງ ກະຊວງສາທາລະນະສຸກຫວຽດນາມ ກໍຄືຂອງທັງສັງຄົມ. ໃນໄລຍະທີ່ຈະມາເຖິງ, ກະຊວງສາທາລະນະສຸກຫວຽດນາມ ຈະປະຕິບັດຫຼາຍມາດຕະການອັນຕັ້ງໜ້າ, ຜັນຂະຫຍາຍຫຼາຍໂຄງການສະຫງວນໃຫ້ແກ່ຜູ້ອາຍຸສູງ. ທ່ານ Tran Duc Long ຫົວໜ້າກົມໆລະບອບກົດໝາຍ- ກະຊວງສາທາລະນະສຸກຫວຽດເວົ້າວ່າ : “ ຄຸນນະພາບການດຳລົງຊີວິດຂອງປະຊາຊົນເວົ້າລວມ ແລະ ຂອງຜູ້ອາຍຸສູງເວົ້າສະເພາະ ນັບມື້ໄດ້ຮັບການປົວແປງໃຫ້ດີຂຶ້ນ. ຫວຽດນາມພວມຢູ່ໃນໄລຍະປະຊາກອນທີ່ດີທີ່ສຸດ, ແຕ່ພ້ອມກັນນັ້ນ, ກໍພວມກ້າວເຂົ້າສູ່ສະພາບປະຊາກອນຖືກເຖົ້າແກ່ໄປຢ່າງວອ່ງໄວ. ດັ່ງນັ້ນ ຕ້ອງມີບັນດາມາດຕະການຢ່າງເໝາະສົມ ເພື່ອຮັບປະກັນແກ່ການພັດທະນາເສດຖະກິດເວົ້າລວມ ແລະ ວຽກງານສຸຂະພິບານເວົ້າສະເພາະ ”