ພິທີປົງອັດຖິຈັດຕັ້ງຢູ່ແຂວງ ດ້ຽນບຽນ

ວັນທີ 15 ມິຖຸນາ, ຄະນະກຳມະການປະຊາຊົນແຂວງ ດ້ຽນບຽນ ໄດ້ຈັດຕັ້ງພິທີຮັບ, ໄວ້ອາໄລ ແລະ ປົງ 25 ອັດຖິນັກຊ່ຽວຊານ, ທະຫານອາສາສະໝັກ ຫວຽດນາມ ທີ່ເສຍສະຫຼະຊີວິດຢູ່ລາວ ມາຝັງຢູ່ສຸສານນັກຮົບເສຍສະຫຼະຊີວິດເພື່ອຊາດ ຕົງຄາວ, ຕາແສງ ແທງເນືອ, ເມືອງ ດ້ຽນບຽນ, ແຂວງ ດ້ຽນບຽນ.

        25 ອັດຖິນັກຊ່ຽວຊານ, ທະຫານອາສາສະໝັກ ຫວຽດນາມ ທີ່ເສຍສະຫຼະຊີວິດຢູ່ລາວ ໂດຍກອງທ້ອນໂຮມຂຸມຝັງສົບນັກຮົບເສຍສະຫຼະຊີວິດເພື່ອຊາດທະຫານເຂດ 2 ຊອກເຫັນ, ຄົ້ນຫາດ້ວຍການຊ່ວຍເຫຼືອຢ່າງສຸດຈິດສຸດໃຈຂອງອຳນາດການປົກຄອງ, ປະຊາຊົນທ້ອງຖິ່ນ 2 ປະເທດ, ພິເສດແມ່ນອຳນາດການປົກຄອງທ້ອງຖິ່ນບັນດາແຂວງຂອງລາວ.

        ທີ່ພິທີ, ທ່ານ ເລວັນກູ໋ຍ, ຮອງປະທານຄະນະກຳມະການປະຊາຊົນແຂວງ ດ້ຽນບຽນ ໄດ້ສົ່ງຄຳຂອບອົກຂອບໃຈເຖິງພັກ, ລັດ ແລະ ປະຊາຊົນບັນດາເຜົ່າລາວໄດ້ສະຫງວນອາລົມຈິດອັນດີງາມ, ຖືທະຫານອາສາສະໝັກ ຫວຽດນາມຄືລູກຫຼານຄີງ, ອູ້ມຊູຊ່ວຍເຫຼືອ, ຮຽງບ່າຮຽງໄຫຼ່ຜ່ານຜ່າທຸກຄວາມຫຍຸ້ງຍາກ, ພ້ອມກັນຕໍ່ສູ້ ແລະ ຍາດເອົາໄຊຊະນະ.

        ນີ້ແມ່ນຄັ້ງທີ 2 ໃນປີ 2018, ທີ່ອຳນາດການປົກຄອງແຂວງ ດ້ຽນບຽນ ໄດ້ຈັດຕັ້ງພິທີຮັບ, ໄວ້ອາໄລ ແລະ ປົງອັດຖິນັກຊ່ຽວຊານ, ທະຫານອາສາສະໝັກ ຫວຽດນາມ ທີ່ເສຍສະຫຼະຊີວິດຢູ່ລາວ ກັບມາບ້ານເກີດເມືອງນອນ.