(vovworld) - ຕອນບ່າຍວັນທີ 16/12, ຢູ່ສຳນັກງານກະຊວງປ້ອງກັນປະເທດ, ພົນໂທ ຫງວຽນຈິ໋ວິ້ງ, ຮອງລັດຖະມົນຕີກະຊວງປ້ອງກັນປະເທດ ໄດ້ໃຫ້ການຕ້ອນຮັບຄະນະຜູ້ແທນຫ້ອງການພົວພັນກັບຕ່າງປະເທດຂອງກອງທັບຈີນ ໂດຍພົນຈັດຕາວາ ຊືເກົວວອຍ, ຮອງຫົວໜ້າຫ້ອງການພົວພັນກັບຕ່າງປະເທດ, ກະຊວງປ້ອງກັນປະເທດຈີນ ເປັນຫົວໜ້າຄະນະ ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ຢູ່ທີ່ນີ້, ພົນໂທ ຫງວຽນຈິ໋ວິ້ງ ໄດ້ເຫັນດີຕໍ່ 9 ເນື້ອໃນຮ່ວມມື ເພື່ອແນໃສ່ປະຕິບັດບັນດາຄຳໝັ້ນສັນຍາເຊິ່ງການນຳຂັ້ນສູງຂອງຈີນ ແລະ ຫວຽດນາມ ບັນລຸໄດ້ໃນຂໍ້ຕົກລົງກອນນີ້. ພົນໂທ ຫງວຽນຈິ໋ວິ້ງ ຖືວ່າ ເພື່ອປະຕິບັດບັນດາເນື້ອໃນດັ່ງກ່າວໃຫ້ເປັນຢ່າງດີ, ກອງທັບ 2 ປະເທດຄວນຍູ້ແຮງບັນດາການຢ້ຽມຢາມຂັ້ນສູງ; ເພີ່ມທະວີການພົບປະແລກປ່ຽນລະຫວ່າງກຳລັງປ້ອງກັນຊາຍແດນ, ເຫຼົ່າທັບເຮືອ, ຕຳຫຼວດທະເລ ແລະ ລະຫວ່າງບັນດາກົມກອງໃນເຂດທະຫານ; ເອົາໃຈໃສ່ເຖິງວຽກງານສື່ສານຢ່າງຕັ້ງໜ້າ, ໂຄສະນາບັນດາການເຄື່ອນໄຫວຮ່ວມມື, ປະກອບສ່ວນກໍ່ສ້າງ, ປັບປຸງສາຍພົວພັນທີ່ເປັນມູນເຊື້ອລະຫວ່າງກອງທັບ ແລະ ປະຊາຊົນ 2 ປະເທດ.
ສ່ວນ ພົນຈັດຕາວາ ຊືເກົວວອຍ ໄດ້ສະແດງຄວາມຕັດສິນໃຈປະຕິບັດບັນດາຂໍ້ສະເໜີເຊິ່ງ ພົນໂທ ຫງວຽນຈິ໋ວິ້ງ ຍົກອອກມາເພື່ອຈຸດໝາຍສັນຕິພາບ, ສະຖຽນລະພາບໃນພາກພື້ນ ແລະ ຢູ່ໃນໂລກ.