ພົບປະສັງສັນອົງການຕາງໜ້າການທູດ, ອົງການຈັດຕັ້ງສາກົນ, ອົງການຈັດຕັ້ງບໍ່ຂຶ້ນກັບລັດຖະບານເນື່ອງໃນໂອກາດບຸນເຕັດປີຊວດ 2020
(VOVWORLD) - ຕອນຄ່ຳວັນທີ 16 ມັງກອນ, ທີ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ແລະ ຄະນະກຳມະການວຽກງານກ່ຽວກັບບັນດາອົງການຈັດຕັ້ງບໍ່ຂຶ້ນກັບລັດຖະບານຕ່າງປະເທດໄດ້ຈັດຕັ້ງການພົບປະສັງສັນກັບອົງການຕາງໜ້າການທູດ, ອົງການຈັດຕັ້ງສາກົນ, ອົງການຈັດຕັ້ງບໍ່ຂຶ້ນກັບລັດຖະບານເນື່ອງໃນໂອກາດບຸນເຕັດ.
 ທ່ານຮອງປະທານສະພາແຫ່ງຊາດ ຫວຽດນາມ ອວງຈູລຶວ (ພາບ: TTXVN) |
ກ່າວຄຳເຫັນທີ່ພິທີ, ທ່ານຮອງປະທານສະພາແຫ່ງຊາດ ຫວຽດນາມ ອວງຈູລຶວ ໄດ້ຕີລາຄາສູງຕໍ່ການໜູນຊ່ວຍ ແລະ ຊ່ວຍເຫຼືອຂອງສາກົນທີ່ສະຫງວນໃຫ້ ຫວຽດນາມ ໃນຊຸມປີຜ່ານມາ, ພິເສດແມ່ນໃນຂົງເຂດລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ແກ້ໄຂບັນດາບັນຫາສັງຄົມ, ປົກປັກຮັກສາສິ່ງແວດລ້ອມ, ຕ້ານການປ່ຽນແປງຂອງດິນຟ້າອາກາດ, ຊ່ວຍເຫຼືອຜູ້ທີ່ປະສົບກັບຄວາມຫຍຸ້ງຍາກ…ນັ້ນແມ່ນແຫຼ່ງປຸກລະດົມກຳລັງໃຈອັນລ້ຳຄ່າ ແລະ ແທດຈິງທີ່ສຸດສຳລັບປະຊາຊົນ ຫວຽດນາມ ບົນເສັ້ນທາງແຫ່ງການພັດທະນາ.
ທ່ານຮອງປະທານສະພາແຫ່ງຊາດ ອວງຈູລຶວ ປາດຖະໜາວ່າ ບັນດາຄູ່ຮ່ວມມືສາກົນ ຈະສືບຕໍ່ຮ່ວມເດີນທາງ, ຮ່ວມແຮງຮ່ວມໃຈປະກອບສ່ວນກຳລັງເຫື່ອແຮງເຂົ້າໃນການພັດທະນາຂອງ ຫວຽດນາມ.