ຕາມແຈ້ງການຂອງຫ້ອງວ່າການລັດຖະບານ ຫວຽດນາມ, ວັນທີ 9 ທັນວາ ປີ 2021, ຢູ່ສຳນັກງານຫ້ອງວ່າການລັດຖະບານ, ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຟ້າມບິງມິງ ໄດ້ເຫັນດີຕໍ່ແຜນການຟື້ນຟູບັນດາຖ້ຽວບິນສາຂົນສົ່ງຜູ້ໂດຍສານສຳລັບປະເທດທີ່ມິຄວາມປອດໄພຢູ່ໃນລະດັບສູງ. ໃນສະເພາະໜ້າແມ່ນ ປັກກິງ/ກວາງໂຈ (ຈີນ, ໂຕກຽວ (ຍີ່ປຸ່ນ), ເຊີອູນ (ສ.ເກົາຫຼີ), ໄທເປ (ໄຕ້ຫວັນ - ຈີນ), ບາງກອກ (ໄທ), ສິງກາໂປ, ວຽງຈັນ (ລາວ),ພະນົມເປັນ (ກຳປູເຈຍ), San Francisco/Los Angeles (ອາເມລິກາ), ບົນພື້ນຖານການແນະນຳຂອງກະຊວງສາທາລະນະສຸກ ກ່ຽວກັບມາດຕະການທາງການແພດປ້ອງກັນ, ຕ້ານໂລກລະບາດ ສຳລັບຜູ້ເຂົ້າເມືອງ, ຮັບປະກັນຄວາມປອດໄພ, ປະສິດທິຜົນ ແລະ ລຸລ່ວງ. ການທົດລອງຈະເລີ່ມແຕ່ວັນທີ 1 ມັງກອນປີ 2022.

ການຕັດສິນນີ້ ເພື່ອແນໃສ່ຫັນຍຸດທະສາດ “ຮັບມືຢ່າງປອດໄພ, ມີໄຫວພິບ, ຄວບຄຸມໂລກລະບາດໂຄວິດ - 19 ໄດ້ຢ່າງມີປະສິດທິຜົນ” ເປັນລະອຽດ, ບໍ່ປະໃຫ້ຫວຽດນາມ ຖອນຫຼັງເມື່ອທຽບໃສ່ກັບບັນດາປະເທດໃນພາກພື້ນ ພ້ອມທັງສ້າງເງື່ອນໄຂໃຫ້ພໍ່ແມ່ປະຊາຊົນຊາວຫວຽດນາມ ໄດ້ກັບບ້ານເກີດເມືອງນອນ ໃນໂອກາດບຸນເຕັດ 2022 ຈະມາເຖິງ.