ມີມາດຕະການເພີ່ມເຕີມເພື່ອໜູນຊ່ວຍວິສາຫະກິດມີຂອບຂະໜາດນ້ອຍ
(VOVWORLD) -ຮ່າງມະຕິວ່່າດ້ວຍການຫຼຸດຜ່ອນອາກອນລາຍຮັບຂອງວິສາຫະກິດທີ່ຕ້ອງເສຍໃນປີ 2020 ສໍາລັບວິສາຫະກິດ, ສະຫະກອນ, ຫົວໜ່ວຍວິຊາການ ແລະ ອົງການຈັດຕັ້ງອື່ນໆ ໂດຍລັດຖະບານຍ່ືນສະເໜີໃນກອງປະຊຸມທີ່ດໍາເນີນໃນຕອນເຊົ້າວັນທີ 11 ມິຖຸນາ.
 ທ່ານລັດຖະມົນຕີກະຊວງການເງິນ ຫວຽດນາມ ດິງຕຽ໊ນຢຸງ (ພາບ: TTXVN) |
ນີ້ແມ່ນມາດຕະການໜູນຊ່ວຍ, ຫຼຸດຜ່ອນຄວາມຫຍຸ້ງຍາກໃຫ້ບັນດາວິສາຫະກິດທີ່ມີຂອບຂະໜາດນ້ອຍໃນໄລຍະທີ່ພື້ນຖານເສດຖະກິດປະສົບກັບຄວາມຫຍຸ້ງຍາກຫຼາຍຢ່າງ ຍ້ອນໂລກລະບາດໂຄວິດ - 19.
ສໍາລັບເລື່ອງປະກາດໃຊ້ນະໂຍຍາຍຫຼຸດຜ່ອນອາກອນລາຍຮັບຂອງວິສາຫະກິດ ຄືດັ່ງລັດຖະບານໄດ້ຍື່ນສະເໜີແມ່ນເພື່ອແນໃສ່ໜູນຊ່ວຍ, ຫຼຸດຜ່ອນຄວາມຫຍຸ້ງຍາກໃຫ້ບັນດາວິສາຫະກິດຂະໜາດນ້ອຍ ແລະ ຈຸລະວິສາຫະກິດ. ທີ່ກອງປະຊຸມ, ທ່ານລັດຖະມົນຕີກະຊວງການເງິນ ຫວຽດນາມ ດິງຕຽ໊ນຢຸງ ຖືວ່າ:
“ເລື່ອງສະເໜີຫຼຸດ ອາກອນລາຍຮັບຂອງວິສາຫະກິດທີ່ຕ້ອງເສຍໃນປີ 2020 ສໍາລັບວິສາຫະກິດຂະໜາດນ້ອຍລົງ 30%ຈະປະກອບສ່ວນໜູນຊ່ວຍບັນດາວິສາຫະກິດຜ່ານຜ່າຄວາມຫຍຸ້ງຍາກ ຍ້ອນໂລກລະບາດໂຄວິດ - 19 ກໍ່ຂຶ້ນ, ສ້າງເງື່ອນໄຂໃຫ້ບັນດາວິສາຫະກິດຂະໜາດນ້ອຍ ແລະ ຈຸລະວິສາຫະກິດສະສົມທຶນ ເພື່ອພັດທະນາການຜະລິດ, ດໍາເນີນທຸລະກິດ, ຍົກສູງກໍາລັງຄວາມສາມາດແກ້ງແຍ້ງຂອງວິສາຫະກິດ”.