(VOVWORLD) - ວັນທີ 14 ກັນຍາ, ສະຖານທູດ ລາຊະອານາຈັກ ອັງກິດ ແລະ ອຽກລັງເໜືອ ປະຈຳ ຫວຽດນາມ ໃຫ້ຮູ້ວ່າ ລັດຖະບານອັງກິດຈະປະກອບເງິນກ່ວາ 1 ລ້ານ GBP ເພື່ອຊ່ວຍຫວຽດນາມແກ້ໄຂຜົນຕາມມາຈາກພາຍຸ Yagi.
 ປະທານຄະນະກຳມະນສູນກາງແນວໂຮມປະເທດຊາດ ຫວຽດນາມ ໂດວັນຈຽນ ຮັບເງິນບໍລິຈາກຈາກກະຊວງຄົມມະນາຄົມແລະຂົນສົ່ງ (ພາບ: ກວາງວິງ)
|
ໄລ່ຮອດເວລາ 17 ໂມງຂອງວັນທີ 14 ກັນຍາ, ຍ້ອນຜົນສະທ້ອນຈາກພາຍຸ Yagi, ມີ 20 ແຂວງ, ນະຄອນຖືກຜົນກະທົບຈາກພາຍຸ, ກໍ່ຜົນເສຍຫາຍຢ່າງໜັກໜ່ວງ ກ່ຽວກັບຊີວິດອິນຊີ ແລະ ຊັບສິນ. ພິເສດ, ມີ 352 ຄົນເສຍຊີວິດ ແລະ ຫາຍສາບສູນ. ປັດຈຸບັນ, ກຳລັງຂອງກອງທັບໄດ້ນຳສົ່ງປະຊາຊົນ 374.000 ຄົນໄປຍັງເຂດປອດໄພ. ກຳລັງກອງທັບໄດ້ລະດົມພະນັກງານ, ນັກຮົບກ່ວາ 187.000 ຄົນ ພ້ອມກັບພາຫະນະຫຼາຍຢ່າງເພື່ອເຂົ້າຮ່ວມວຽກງານປ້ອງກັນຕ້ານ, ແກ້ໄຂຜົນຕາມມາໂດຍພາຍຸກໍ່ຂຶ້ນ. ກະຊວງປ້ອງກັນປະເທດກໍ່ໄດ້ໜູນຊ່ວຍເຂົ້າສານກ່ວາ 100 ໂຕນ, ອາຫານແຫ້ງ 33 ໂຕນໃຫ້ແກ່ປະຊາຊົນບັນດາແຂວງ.
ໂດຍຕອບສະໜອງຄວາມຮຽກຮ້ອງຂອງຄະນະປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ມີຫຼາຍອົງການ, ວິສາຫະກິດ, ອົງການຈັດຕັ້ງ, ສ່ວນບຸກຄົນທັງຢູ່ພາຍໃນ ແລະ ຕ່າງປະເທດໄດ້ປະກອບເງິນຜ່ານຄະນະຂົນຂວາຍການກູ້ຊ່ວຍຈຳນວນເງິນກ່ວາ 1000 ຕື້ ດົ່ງ (ກ່ວາ 400 ລ້ານ USD). ວັນທີ 14 ກັນຍາ, ສະຖານທູດ ລາຊະອານາຈັກ ອັງກິດ ແລະ ອຽກລັງເໜືອ ປະຈຳ ຫວຽດນາມ ໃຫ້ຮູ້ວ່າ ລັດຖະບານອັງກິດຈະປະກອບເງິນກ່ວາ 1 ລ້ານ GBP ເພື່ອຊ່ວຍຫວຽດນາມແກ້ໄຂຜົນຕາມມາຈາກພາຍຸ Yagi.