ມອບຄ້ອງບ້າງ ໃຫ້ເຂດອະນຸສອນສະຖານ ປະທານໂຮ່ຈິມິນຢູ່ ລາວ
ຄ້ອງບ້າງ ງອກລູ້ ຂອງຫວຽດນາມ (ພາບປະກອບ) |
Vovworld- ເນືອ່ງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍ ພົວພັນມິດຕະພາບ ຫວຽດນາມ-ລາວ, ສະມາຄົມມໍລະດົກວັດທະນະທຳ ລາມກິງ ແລະ ສະມາຄົມວັດຖຸບູຮານ ແທງຮ້ວາ, ແຂວງ ແທງຮ້ວາ ໄດ້ດຳເນີນການຫຼໍ່ ຄ້ອງບ້າງໜ່ວຍໜຶ່ງເພື່ອມອບໃຫ້ເຂດອະນຸສອນສະຖານປະທານໂຮ່ຈິມິນທີ່ແຂວງຄຳມວນຂອງລາວເປັນຂອງຂວັນ. ຢູ່ໜ້າຄ້ອງບ້າງໜ່ວຍນີ້ ຈະມີຮູບຂອງປະທານໂຮ່ຈິມິນ ແລະ ປະທານໄກສອນພົມວິຫານ ພ້ອມກັບຄຳກອນເປັນພາສາຫວຽດ ແລະ ພາສາລາວ : “ 2 ຊາດລາວ - ຫວຽດ ໄດ້ຝັງ ຄວາມຮັກຢູ່ໃນໃຈ. ຮົ່ງຮ່າທັງແມ່ຂອງກໍບໍ່ເລິກປູນປານໄດ້ ” . ສ່ວນຢູ່ຮ່າງຄ້ອງບ້າງຈະຄວັດຖະແຫຼງການປະກາດເອກະລາດຂອງ ປະທານໂຮ່ຈິມິນ ພ້ອມກັບລວດລາຍຕ່າງໆຢ່າງລະອຽດອ່ອນ. ທ່ານ Ho Quang Son , ປະທານ ສະມາຄົມມໍລະດົກວັດທະນະທຳ ລາມກິງ ໃຫ້ຮູ້ວ່າ ທາງສະມາຄົມຈະມົມທົບກັບກົມຮ່ວມມືສາກົນ, ສູນວັດທະ ນະທຳຫວຽດ-ລາວ ຈັດຕັ້ງພິທີມອບຮັບຄ້ອງບ້າງເນື່ອງໃນໂອກາດຕັດແຖບຜ້າເປີດ ເຂດອະນຸສອນສະຖານປະທານໂຮ່ຈິມິນທີ່ແຂວງຄຳມວນ ແລະ ສະເຫຼີມສະຫຼອງວັນຊາດຂອງລາວ ວັນທີ 2 ທັນວາ .