ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: VOV)

ໂດຍຂ່ຳນັບຮັບຕ້ອນ ສະເຫຼີມສະຫຼອງ 94 ປີແຫ່ງວັນສ້າງຕັ້ງພັກກອມມູນິດ ຫວຽດນາມ (3/2/1930 - 3/2/2024), ຕອນຄ່ຳວັນທີ 1 ກຸມພາ, ພິທີປະກາດ ແລະ ມອບລາງວັນຄ້ອນຕີ ກ່ຽວຄຳ ຄັ້ງທີ VIII (ປີ 2023), ລາງວັນສື່ມວນຊົນ ທົ່ວປະເທດ ກ່ຽວກັບການກໍ່ສ້າງພັກ, ໄດ້ຈັດຂຶ້ນຢູ່ຮ່າໂນ້ຍ. ດ້ວຍ 2216 ຜົນງານ ປີ 2023 ແມ່ນປີທີ່ມີການສົ່ງຜົນງານເຂົ້າຮ່ວມຫຼາຍທີ່ສຸດ.

ຄະນະກຳມາການ ໄດ້ພິຈາລະນາ, ຄັດເລືອກບັນດາຜົນງານດີເດັ່ນເພື່ອມອບ 6 ລາງວັນ A, 12 ລາງວັນ B, 18 ລາງວັນ C, 6 ລາງວັນຫົວເລື່ອງສະເພາະ ແລະ 30 ລາງວັນຊົມເຊີຍ. ວິທະຍຸກະຈາຍສຽງ ຫວຽດນາມ ຄ້ວາໄດ້ລາງວັນ A 1 ລາງວັນ ເຊິ່ງເປັນຂອງນັກຂ່າວ ຟານແທັງຈ່າ. ກ່າວຄຳເຫັນທີ່ພິທີມອບລາງວັນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເນັ້ນໜັກວ່າ:

ເພື່ອຕອບສະໜອງໜ້າທີ່ໄດ້ດີກ່ວາໃນໄລຍະຈະມາເຖິງ, ຂ້າພະເຈົ້າມີຄວາມປາດຖະໜາກ ແລະ ເຊື່ອໝັ້ນວ່າ ລາງວັນຄ້ອນຕີ ກ່ຽວຄຳ ຈະເສີມຂະຫຍາຍບັນດາໝາກຜົນທີ່ບັນລຸໄດ້ໃຫ້ຫຼາຍກ່ວາອີກ, ສືບຕໍ່ຊອກຮູ້ການປ່ຽນແປງໃໝ່, ມີຫົວຄິດປະດິດສ້າງ ເພື່ອນັບມື້ນັບແຜ່ກະຈາຍພະລັງຊີວິດຢ່າງແຮງ ແລະ ການກະທົບທີ່ຕັ້ງໜ້າຂອງລາງວັນ, ປະກອບສ່ວນສ້າງ, ປັບປຸງພັກ, ສ້າງລະບົບການເມືອງ ແລະ ສ້າງຖັນແຖວພະນັກງານທີ່ປອດໄພ, ໝັ້ນຄົງເຂັ້ມແຂງ. ພ້ອມທັງ ປະກອບສ່ວນຢ່າງຕັ້ງໜ້າ, ມີປະສິດທິດຜົນເຂົ້າໃນພາລະກິດແຫ່ງການສ້າງສາ ແລະ ປົກປັກຮັກສາປະເທດ ສັງຄົມນິຍົມ ຫວຽດນາມ, ເພື່ອເປົ້າໝາຍປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ມີຄວາມຍຸຕິທຳ, ສີວິໄລ.