(ພາບ: vietnamplus.vn) (vovworld) – ຕອນເຊົ້າວັນທີ 28/05, ຢູ່ນະຄອນຫຼວງວຽງຈັນ, ຫ້ອງວ່າການສູນກາງພັກກອມມູນິດຫວຽດນາມ ແລະ ຫ້ອງວ່າການສູນກາງພັກປະຊາຊົນປະຕິວັດລາວ ໄດ້ຈັດພິທີມອບຮັບ “ໂຄງການໜູນຊ່ວຍບັນດາອົງການສູນກາງພັກປະຊາຊົນປະຕິວັດລາວນຳໃຊ້ເຕັກໂນໂລຊີຂໍ້ມູນຂ່າວສານ”. ນີ້ແມ່ນຂອງຂວັນຂອງພັກກອມມູນິດຫວຽດນາມ ທີ່ມອບໃຫ້ພັກປະຊາຊົນປະຕິວັດລາວ.
“ໂຄງການໜູນຊ່ວຍບັນດາອົງການສູນກາງພັກປະຊາຊົນປະຕິວັດລາວ ນຳໃຊ້ເຕັກໂນໂລຊີຂໍ້ມູນ” ໂດຍກຸ່ມບໍລິສັດໂທລະຄົມກອງທັບ ວຽກແທວ ປະຕິບັດ, ເມື່ອນຳເຂົ້າໃຊ້ການ ມັນຈະສ້າງໂຄງລ່າງເຕັກໂນໂລຊີຂໍ້ມູນຂ່າວສານສົມບູນພໍສົມຄວນໃນບັນດາອົງການສູນກາງພັກປະຊາຊົນປະຕິວັດລາວ ແລະ ກຽມພ້ອມເຊື່ອມຕໍ່ກັບໂຄງລ່າງເຕັກໂນໂລຊີຂໍ້ມູນຂ່າວສານກັບບັນດາແຂວງ, ນະຄອນໃນທົ່ວປະເທດ.
ຫ້ອງວ່າການສູນກາງພັກປະຊາຊົນປະຕິວັດລາວ ໄດ້ຕີລາຄາສູງໂຄງການແມ່ນມີວິໄສທັດຍຸດທະສາດສຳຄັນໃນການຍົກສູງຄຸນນະພາບວຽກງານເປັນເສນາທິການ, ວຽກງານລວບລວມຂອງບັນດາອົງການສູນກາງ, ປະກອບສ່ວນຍົກສູງຄຸນນະພາບວຽກງານວາງແຜນນະໂຍບາຍພັດທະນາປະເທດຊາດ.