ມີແຂກທ່ອງທ່ຽວຕ່າງປະເທດກ່ວາ1ລ້ານເທື່ອຄົນໄປຢ້ຽມຢາມກຸງເກົ່າເຫ້ວ
ແຂກທ່ອງທ່ຽວສາກົນຢູ່ກຸງເກົ່າເຫ້ວ
(ພາບ: Quốc Việt/Vietnam+)
|
(vovworld) – ຕາມສູນອະນຸລັກຮັກສາປູຊະນີຍະສະຖານກຸງເກົ່າເຫ້ວ, ແຕ່ຕົ້ນປີມາຮອດປະຈຸບັນ, ສູນດັ່ງກ່າວໄດ້ຕ້ອນຮັບແຂກທ່ອງທ່ຽວເກືອບ 2 ລ້ານເທື່ອຄົນມາທ່ອງທ່ຽວ, ໃນນັ້ນມີແຂກທ່ອງທ່ຽວຕ່າງປະເທດກ່ວາ 1 ລ້ານເທື່ອຄົນ, ເພີ່ມຂຶ້ນ 36,5%. ແຕ່ນີ້ຮອດທ້າຍປີ, ພ້ອມກັບການຈັດຕັ້ງບັນດາການເຄື່ອນໄຫວວາງສະແດງຢູ່ເຂດປູຊະນີຍະສະຖານ, ສູນອະນຸລັກຮັກສາປູຊະນີຍະສະຖານກຸງເກົ່າເຫ້ວ ສືບຕໍ່ຜັນຂະຫຍາຍແຜນຮ່າງ “ພັດທະນາການທ່ອງທ່ຽວຢູ່ປູຊະນີຍະສະຖານເຫ້ວ”, ເພື່ອແນໃສ່ເສີມຂະຫຍາຍແຫຼ່ງກຳລັງຈາກປະຊາຄົມ ແລະ ບັນດາວິສາຫະກິດໃນການຫັນວຽກງານມາເປັນຂອງສັງຄົມເພື່ອເສີມຂະຫຍາຍຄຸນຄ່າປູຊະນີຍະສະຖານ. ສູນພວມສົ່ງເສີມບັນດາເງື່ອນໄຂເພື່ອເປີດປະຕູເຂດພາຍໃນລາດຊະວັງເຫ້ວ ໃນຍາມຄ່ຳຄືນ (ປະຈຸບັນໄດ້ເປີດປະຕູຮອດ 19 ໂມງເທົ່ານັ້ນ), ອອກແບບບັນດາຜະລິດຕະພັນທີ່ລະນຶກທີ່ເປັນເອກະລັກສະເພາະຮັບໃຊ້ວຽກງານໂຄສະນາເຜີຍແຜ່ວັດຖຸບູຮານກ່ຽວຂ້ອງເຖິງປູຊະນີຍະສະຖານເຫ້ວ.